Sam­fylk­ingin og Vinstri græn mæl­ast bæði með 7,8 pró­sent fylgi í nýrri skoð­ana­könnun MMR. Sam­fylk­ingin hefur aldrei mælst með lægra fylgi í könn­unum fyr­ir­tæk­is­ins, og VG aðeins einu sinni. Stjórn­ar­flokk­arnir mæl­ast báðir með meira fylgi en í síð­ustu könn­un. Alls segj­ast 23,4 pró­sent aðspurðra að þeir myndu kjósa Sjálf­stæð­is­flokk­inn en þeir voru 21,6 pró­sent í síð­ustu könnun sem birt­ist fyrir rúmum mán­uði síð­an. Fylgi Fram­sókn­ar­flokks­ins mælist nú 12,8 pró­sent en var 10,8 pró­sent í síð­ustu könn­un. 

Píratar eru eftir sem áður langstærsti flokkur lands­ins, líkt og þeir hafa verið und­an­farið ár. Fylgi flokks­ins mælist nú 37 pró­sent. Þá segj­ast 4,2 pró­sent aðspurðra að þeir myndu kjósa Bjarta fram­tíð og 2,1 pró­sent að þeir myndu kjósa ann­að. 

Vert er að taka fram að allar breyt­ingar á fylgi flokk­anna milli mán­aða eru innan vik­marka. 

Allir flokkar utan Pírata eru tölu­vert undir kjör­fylgi sínu. Sam­fylk­ingin hlaut 12,9 pró­sent atkvæða í síð­ust kosn­ingum og þótti sú nið­ur­staða afhroð fyrir flokk­inn. Vinstri græn fengu 10,9 pró­sent þegar talið var upp úr köss­unum í apríl 2013 og Björt fram­tíð 8,2 pró­sent. Mest hafa þó stjórn­ar­flokk­arnir misst. Fram­sókn­ar­flokk­ur­inn, sem var óum­deildur sig­ur­veg­ari kosn­ing­anna 2013 hlaut þá 24,4 pró­sent, en mælist nú með tæp­lega helm­ing þess fylg­is. Sjálf­stæð­is­flokk­ur­inn fékk 26,8 pró­sent í síð­ustu kosn­ing­um, eða 3,4 pró­sent meira en flokk­ur­inn mælist nú með. Hann er nú með aðeins minna fylgi en í verstu kosn­inga­nið­ur­stöðu sinni frá upp­hafi, sem var í kosn­ing­unum 2009.

Stuðn­ingur við rík­is­stjórn­ina mælist örlítið hærri en í síð­ustu könn­un. Hann var 31,9 pró­sent í síð­asta mán­uði en mælist nú 32,7 pró­sent.