„Við fjöl­skyldan höfum verið að skoða þetta alvar­lega með jákvæðu hug­ar­fari. Þetta er stór og mikil ákvörð­un," segir Eiríkur Björn Björg­vins­son, bæj­ar­stjóri á Akur­eyri, í sam­tali við Kjarn­ann. Eiríkur íhugar að bjóða sig fram til for­seta Íslands. RÚV greindi frá þessu í morg­un.  

Eiríkur seg­ist hafa rætt und­an­farið við fjöl­skyldu sína og vini og þar sé málið statt. 

„Form­leg und­ir­skrift­ar­söfnun er ekki hafin en það er umræða í gangi og þar er málið statt. Við erum að velta þessu alvar­lega fyrir okk­ur, en það er ekki komin nein dag­setn­ing eða svo­leið­is," segir hann. „Við eigum mikið af góðu fólki og marga góða að. Þess vegna erum við að ræða við fólk til að heyra hvað því finnst. Þetta er það stórt og mikið emb­ætti og ákvörð­unin eftir því. Við ætlum að gefa okkur góðan tíma í að fara yfir þetta."  

Eiríkur hefur verið bæj­ar­stjóri á Akur­eyri síðan árið 2010 og stendur utan flokka. 

Eiríkur bæt­ist nú í hóp þeirra fjöl­mörgu sem annað hvort íhuga að bjóða sig fram til for­seta eða hafa nú þegar til­kynnt fram­boð. Meðal þeirra sem liggja undir feldi eru Davíð Odds­son, Andri Snær Magna­son, Bryn­dís Hlöðvers­dótt­ir, Þor­gerður Katrín Gunn­ars­dótt­ir, Davíð Þór Jóns­son og Linda Pét­urs­dótt­ir.