Aflandsfélag í eigu fjölskyldu Dorritar í Panamaskjölum

Skartgripafyrirtæki Moussaieff fjölskyldunnar átti félag sem skráð var á Bresku Jómfrúareyjunum og kemur fyrir í gögnum frá Mossack Fonseca. Hvorki forseti Íslands né Dorrit segjast hafa heyrt um félagið áður og að móðir hennar muni ekki eftir því.

Ólafur Ragnar og Dorrit
Auglýsing

Félag í eigu fjöl­skyldu Dor­rit­ar Moussai­eff, eig­in­konu Ólafs Ragn­ars Gríms­son­ar, for­seta Íslands, átti félag ­skráð á Bresku Jóm­frú­areyj­unum frá árinu 1999 til árs­ins 2005. Félag­ið, sem heitir Lasca Fin­ance Limited, er að finna í  gögnum frá­ panamísku lög­fræði­stof­unni Mossack Fon­seca. Árið 2005 seld­i ­fjöl­skyldu­fyr­ir­tækið Moussai­eff Jewell­ers Ltd. tíu pró­senta hlut sinn í Lasca F­in­ance til hinna tveggja eig­enda þess. Þeir voru S. Moussai­eff og „Mr­s." Moussai­eff. Þetta kemur fram í gögnum sem Kjarn­inn og Reykja­vik Grapevine hafa undir hönd­um.  

Ólafur Ragn­ar ­fór í við­tal til frétta­kon­unar Christ­i­ane Aman­po­ur, á banda­rísku ­sjón­varps­stöð­inni CNN, síð­ast­lið­inn föstu­dag. Aman­pour spurði Ólaf Ragnar um Panama­skjölin og hreint út hvort hann eða fjöl­skylda hans væri tengd aflands­fé­lög­um:

„Átt þú ein­hverja aflands­reikn­inga? Á eig­in­kona þín ein­hverja aflands­reikn­inga? Á eitt­hvað eftir að koma í ljós varð­andi þig og fjöl­skyld­u þína?” spurði hún. Ólafur var afdrátt­ar­laus í svörum: „Nei, nei, nei, nei, ­nei. Það verður ekki þannig.”

Auglýsing


Kjarn­inn beindi fyr­ir­spurn til emb­ættis for­seta Íslands vegna Lasca Fin­ance. Í svari þess seg­ir: „Hvorki for­seti né Dor­rit vita neitt um þetta félag né hafa heyrt af því áður. Faðir Dor­ritar er lát­inn og móðir henn­ar, sem er 86 ára, man ekki eftir neinu slíku félag­i."

Með skráð heim­il­is­festi á Bresku Jóm­frú­areyj­unum

Fyr­ir­tæki Moussai­eff ­fjöl­skyld­unnar heitir Moussai­eff Jewell­ers Limited. Í árs­reikn­ingum félags­ins frá árunum 1999 til­ 2005 kemur fram að fyr­ir­tæki Moussai­eff-­fjöl­skyld­unnar ætti hlut í félagi sem heitir Lasca Fin­ance Limited, sem sett var á fót árið 1999. Eig­end­ur ­fyr­ir­tæk­is­ins voru S. Moussai­eff og A. Moussai­eff, sem áttu ráð­andi hlut og Moussai­eff Jewell­ers Limited sem átti tíu pró­sent.

Úr ársreikningi Moussaieff Jewellers Limited vegna ársins 2006.

Lasca Fin­ance er með heim­il­is­fest­i á Bresku Jóm­frú­areyj­un­um. Í skjölum sem Kjarn­inn hefur undir höndum kemur fram að félagið var á þeim tíma í umsjón panamísku lög­fræði­stof­unnar Mossack Fon­seca og greiddi árgjald fyrir þá þjón­ust­u.  Í árs­reikn­ingum Moussai­eff Jewell­ers Limited, sem skilað var til fyr­ir­tækja­skrá­ar í Bret­landi, kemur fram að Lasca Fin­ance fái greitt umtals­verðar fjár­hæðir í vexti á hverju ári (e. inter­est receivable), sem gefur til kynna að Lasca hafi lánað ein­hverjum fé. Sam­an­lögð fjár­hæð þeirra vaxta sem Lasca átti að fá greitt frá árinu 2000 til 2005 er tæp­lega sjö millj­ónir punda.  Á gengi dags­ins í dag er sú upp­hæð jafn­virð­i 1.262 millj­ónum íslenskra króna.

Á árinu 2005 seldi Moussai­eff Jewell­ers Ltd. tíu pró­sent hlut sinn í Lasca Fin­ance. Sam­kvæmt árs­reikn­ingi Moussai­eff Jewell­ers Limited voru kaup­end­urnir S. Moussai­eff og Mrs." Moussai­eff. Kaup­verðið var 375 þús­und pund, eða 68 millj­ónir íslenskra króna. Eftir þann tíma er félagið ekki lengur skráð í bókum Moussai­eff Jewell­ers Limited.

Dor­rit færði lög­heim­ili sitt

Schlomo Moussai­eff lést 1. júlí 2015, þá níræð­ur, en eig­in­kona hans Alisa er enn á lífi. Hún er 86 ára gömul og er skráður eig­andi Moussai­eff Jewell­ers Limited. Hjónin eiga þrjár dæt­ur, Dor­rit, Tamöru og Shar­on.

Dor­rit og Ólafur Ragnar giftu sig þann 14. maí 2003. Ólafur hafði þá verið for­set­i Ís­lands í sjö ár. Á heima­síðu for­seta­emb­ætt­is­ins segir að Dor­rit hafi um ára­bil feng­ist við skart­gripa­við­skipti með áherslu á sjald­gæfa steina og einnig stundað ýmis önnur við­skipt­i."

Tæpum níu árum síð­ar, þann 27. des­em­ber 2012, flutti Dor­rit lög­heim­ili sitt frá Bessa­stöðum til Bret­lands. Sá ­gjörn­ingur vakti mikla athygli og umræður á Íslandi þar sem íslensk lög ger­a ráð fyrir því að hjón eigi að hafa lög­heim­ili í sama landi. Eftir að Frétta­blaðið greindi frá þessu í júní 2013 sendi Dor­rit frá sér yfir­lýs­ingu þar ­sem hún sagði meðal ann­ars:

Þegar horfur voru á að eig­in­maður minn yrði ekki lengur for­set­i ­gerði ég ráð­staf­anir til að geta sinnt meira fyrri störfum mínum í London, einkum í ljósi þess að for­eldrar mín­ir, sem stjórnað hafa ­fjöl­skyldu­fyr­ir­tæk­inu, eru nú háaldr­að­ir.“ Færslan á lög­heim­ili hafi verið gerð á grund­velli skatta­laga og í sam­ræmi við ráð­gjöf sér­fræð­inga.

Í nýj­ársávarpi sínu 2012 til­kynnti Ólafur Ragnar að hann ætl­aði ekki að bjóða sig fram aft­ur til emb­ættis for­seta Íslands. Honum snérist síðar hugur og sigr­aði í kosn­ing­um það sum­ar, nokkrum mán­uðum áður að Dor­rit færði lög­heim­ili sitt.

Ólafur Ragn­ar til­kynnti í síð­asta nýj­ársávarpi að hann ætl­aði ekki að bjóða sig aftur fram til for­seta. Hann hefur gegnt emb­ætt­inu frá árinu 1996. Í síð­ustu viku boð­að­i hann skyndi­lega til blaða­manna­fundar og greindi frá því að honum hafi aft­ur snú­ist hugur og ætli að sækj­ast eftir því að sitja sem for­seti í fjögur ár til­ við­bót­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra hefur undirritað reglugerð sem markar fyrstu viðbrögð íslenskra stjórnvalda við hinu svokallað Ómíkrón-afbrigði veirunnar.
Síðasta kórónuveiruverk Svandísar að bregðast við „Ómíkrón“
Á sunnudag tekur gildi reglugerð sem felur í sér að þeir sem koma til landsins frá skilgreindum hááhættusvæðum þurfa að fara í tvö PCR-próf með sóttkví á milli. Ómíkrón-afbrigðið veldur áhyggjum víða um heim og líka hjá sóttvarnalækni.
Kjarninn 27. nóvember 2021
Vinstri græn fá sjávarútvegsmálin og Framsókn sest í heilbrigðisráðuneytið
Miklar breytingar verða gerðar á stjórnarráði Íslands, ný ráðuneyti verða til og málaflokkar færðir. Ráðherrarnir verða tólf og sá sem bætist við fellur Framsóknarflokknum í skaut. Vinstri græn stýra sjávarútvegs- og landbúnaðarmálum.
Kjarninn 27. nóvember 2021
Hjalti Hrafn Hafþórsson
Það sem ekki var talað um á COP26
Kjarninn 27. nóvember 2021
Bankastjórar þriggja stærstu banka landsins.
Útlán til heimila hafa aukist en útlán til fyrirtækja dregist saman það sem af er ári
Bankarnir nýttu svigrúm sem var gefið til að takast á við efnahagslegar afleiðingar kórónuveirunnar til að stórauka útlán til íbúðarkaupa. Útlán til fyrirtækja hafa hins vegar dregist saman.
Kjarninn 27. nóvember 2021
Lerbjergskógurinn er nú kominn í eigu og umsjá Danska náttúrusjóðsins.
Danir gripnir kaupæði – „Við stöndum frammi fyrir krísu“
Lerbjergskógurinn mun héðan í frá fá að dafna án mannlegra athafna. Hann er hluti þess lands sem Danir hafa keypt saman til að auka líffræðilegan fjölbreytileika og draga úr áhrifum loftslagsbreytinga.
Kjarninn 27. nóvember 2021
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Bækur spila stórt hlutverk í lífi margra um jólahátíðina.
Rýnt í bækur og stjörnur
Bókahúsið er hlaðvarpsþáttur þar sem rætt er við rithöfunda og ýmsa sem koma að bókaútgáfu. Í sjötta þætti er spjallað um himingeiminn, ný skáldverk og ljóðabækur.
Kjarninn 27. nóvember 2021
Meira úr sama flokkiInnlent
None