Guð­rún Nor­dal, for­stöðu­maður Árna­stofn­un­ar, var búin að ákveða að bjóða sig fram til for­seta Íslands, en fram­boð sitj­andi for­seta breytti afstöðu henn­ar. Hún hefur enn ekki tekið ákvörðun um hvort hún ætli fram.

„Ég var búin að taka ákvörðun um að bjóða mig fram, en eftir að Ólafur Ragnar ákvað að gefa kost á sér til end­ur­kjörs hefur staðan breyst,” segir Guð­rún í sam­tali við Kjarn­ann. „Ég ætla að leyfa dög­unum aðeins að líða áður en ég tek end­an­lega ákvörð­un.”

Reynslu­mik­ill sendi­herra íhugar fram­boð

Berg­lind Ásgeirs­dótt­ir, sendi­herra Íslands í Frakk­landi, íhugar alvar­lega að bjóða sig fram til emb­ættis for­seta Íslands. Hún stað­festir þetta í sam­tali við frétta­stofu RÚV: 

„Ég hef fengið margar áskor­anir und­an­farna daga, sér­stak­lega frá konum á ólíkum aldri, og tek þessum áskor­unum þannig að ég ætla að íhuga þetta mjög vand­lega,“ segir Berg­lind í sam­tali við RÚV.

Guðni Th. Jóhann­es­son sagn­fræð­ingur hefur enn ekki tekið ákvörðun um fram­boð.

Eiríkur Björn Björg­vins­son, bæj­ar­stjóri á Akur­eyri, ákvað í morgun að bjóða sig ekki fram. 

Sig­rún Stef­áns­dótt­ir, for­seti hug- og félags­vís­inda­sviðs Háskól­ans á Akur­eyri, er enn að hugsa sig um. Ekki hefur náðst í Þor­gerði Katrínu Gunn­ars­dótt­ur, fram­kvæmda­stjóra hjá Sam­tökum iðn­að­ar­ins, en hún hefur íhugað fram­boð. 

Fjórir fram­bjóð­endur hafa dregið fram­boð sitt til baka eftir að Ólafur Ragnar til­kynnti um fram­boð sitt fyrir viku síð­an: Vig­fús Bjarni Alberts­son, Bær­ing Ólafs­son, Heimir Örn Hólmars­son og Guð­mundur Frank­lín Jóns­son. 

Fréttin var upp­færð klukkan 15:00.