Ólafur Ragnar Gríms­son, for­seti Íslands, er að hugsa um að hætta við fram­boð til emb­ætt­is­ins. Hann lýsti því yfir 18. apr­íl ­síð­ast­lið­inn að hann væri hættur við að hætta við fram­boð og ætl­aði að sækjast eftir að sitja sitt sjötta kjör­tíma­bil. Ólafur Ragnar vildi ekki svara því með já-i eða nei-i hvort hann yrði á kjör­seðl­inum í sum­ar. Hann sé ekki búinn að lenda þeirri hugs­un. Ástæða þess að hann er nú að hugsa sinn ­gang er sú að Guðni Th. Jóhann­es­son og Davíð Odds­son hafa boðið sig fram til­ emb­ætt­is­ins. „Auð­vitað blasir það við með þessum tveimur fram­boð­u­m[...]er auð­vitað staðan orðin breytt að því leyti að þjóðin á nú kost á því [...) að kjósa ein­stak­linga sem hafa þessa reynslu og þekk­ingu á emb­ætt­in­u." Þetta kom fram í þætt­inum Eyj­unni á Stöð 2 í dag.

Ólafur Ragnar sagði að fram­boð Dav­íðs Odds­son­ar, sem til­kynnt var um í morg­un, hefði breytt miklu varð­andi for­seta­fram­boðs­mál, líkt og fram­boð Guðna Th., sem væri tví­mæ­laust sá Íslend­ingur sem mest hefur rann­sak­að og skrifað um for­seta­emb­ætt­ið. Davíð væri sá maður utan hans sjálfs sem lengst Ís­lend­inga hefur setið í rík­is­ráði. Ólafur Ragnar bar fyrir sig óviss­una í sam­fé­lag­inu þegar hann til­kynnti um áfram­hald­andi fram­boð, en sagði í dag að sú ó­vissa væri ekki alveg jafn mikið til staðar í dag og þegar hann til­kynnti um fram­boð sitt 18. apr­íl.