Níu af fjórtán for­seta­fram­bjóð­endum segj­ast vera búnir að safna til­skyldum fjölda und­ir­skrifta sem þarf til að fá form­legt for­seta­fram­boð gilt. Þeir sem hafa enn ekki safnað nægum fjölda eru Baldur Ágústs­son, Bene­dikt Krist­ján Mewes, Magnús Ing­berg Jóns­son, Elísa­bet Jök­uls­dóttir og Magnús Ingi Magn­ús­son, eða Texa­s-Maggi. Í dag til­kynnti Ari Jós­eps­son að hann ætli ekki að bjóða sig fram, en hann sag­ist engu að síður við Frétta­blaðið hafa safnað til­skildum fjölda. Þau sem segj­ast vera búin að safna nægum und­ir­skriftum og ætla að skila inn í dag eru þau Andri Snær Magna­son, Ást­þór Magn­ús­son, Davíð Odds­son, Guðni Th. Jóhann­es­son, Guð­rún Mar­grét Páls­dótt­ir, Halla Tóm­as­dótt­ir, Hildur Þórð­ar­dóttir og Sturla Jóns­son. Frétta­blaðið greinir frá þessu í dag. 

Skila­frestur rennur út í dag

Fram­bjóð­endur þurfa að skila inn með­mæl­endum í öllum fjórð­ungum lands­ins í dag, und­ir­skriftum 1.500 manns. Yfir­kjör­stjórn í Reykja­vík­ur­kjör­dæmum norður og suður taka á móti listum í Ráð­húsi Reykja­víkur í dag á milli klukkan 13 og 15. 

Farið verður yfir listana næstu viku og nöfn og kenni­tölur bornar saman við þjóð­skrá og gengið úr skugga um að ekk­ert nafn sé tvisvar, þar sem það ógildir und­ir­skrift­ina. Fram­bjóð­endur fá svo nokkra daga fram að mið­nætti 20. maí næst­kom­andi, föstu­dag­ur­inn í næstu viku, til að lag­færa sína lista ef eitt­hvað vantar upp á. 

Sex náðu inn árið 2012

Í síð­ustu for­seta­kosn­ingum 2012 voru sex manns í fram­boði og var það sögu­legur fjöldi. Fram­boð Ást­þórs Magn­ús­sonar hafði verið dæmt ógilt þar sem ekki lá fyrir lög­boðið vott­orð frá yfir­kjör­stjórn Norð­vest­ur­kjör­dæm­is. Fram­boð Ást­þórs hafði líka verið dæmt ógilt árið 2000, þegar hann náði ekki að skila inn til­skyldum fjölda með­mæl­enda á réttum tíma.   

Fram­bjóð­endur 2012 voru þau Andrea Jóhanna Ólafs­dótt­ir, Ari Trausti Guð­munds­son, Hannes Bjarna­son, Her­dís Þor­geirs­dótt­ir, Ólafur Ragnar Gríms­son og Þóra Arn­órs­dótt­ir. 

Fréttin var upp­færð klukkan 15:55 þegar RÚV greindi frá því að Ari Jós­eps­son væri hættur við fram­boð. Hann hafði áður sagt við Frétta­blaðið að hann væri búinn að safna til­skyldum fjölda und­ir­skrifta.