Júl­íus Víf­ill Ingv­ars­son sakar systk­ini sín um að hafa dregið sér tugi millj­óna af banka­reikn­ingi móður þeirra. Þetta gerir hann í við­tali við Morg­un­blaðið í dag. Í blað­inu bregst hann við umfjöllun Kast­ljóss í gær­kvöldi um hann og fjöl­skyld­una. 

Í Kasljósi í gær kom fram að tvö systk­ini Júl­í­usar og syst­ur­sonur hans segja að hann hafi við­ur­kennt fyrir þeim að í aflands­fé­lagi hans í Panama hafi verið pen­ingar upp­runir frá for­eldrum þeirra. Pen­ing­anna hafði móðir þeirra ásamt hluta fjöl­skyld­unnar leitað í rúman ára­tug. Um var að ræða sjóð í erlendum banka sem faðir þeirra, Ingvar Helga­son, hafði safnað umboðs­launum frá erlendum bíla­fram­leið­endum inn á alla tíð. 

Júl­íus Víf­ill segir í Morg­un­blað­inu í dag að honum þyki þáttur Kast­ljóss í gær hafa verið lág­punktur í frétta­flutn­ingi og hann hafi verið „yf­ir­fullur af rang­færsl­u­m.“ Hann seg­ist hafa leið­rétt margt í sím­tölum við stjórn­endur þátt­ar­ins en lít­ill áhugi hafi verið á því að fá „nema eina bjag­aða hlið á mál­in­u.“ Hann útskýrir ekki í hverju þessar rang­færslur felist. 

Fram kom hins vegar í Kast­ljósi í gær að ítrekað hefur verið haft sam­band við bæði Júl­íus og bróður hans Guð­mund Ágúst, bæði í sím­tölum og með tölvu­pósti. Þar hafi verið óskað svara við ýmsum spurn­ingum um mál­ið, og þeim verið boðið að koma í við­tal, en þeir bræður hafi kosið að svara eng­u. 

Júl­íus Víf­ill sagði hins vegar í yfir­lýs­ingu í gær að ýmist væru ásak­anir systk­ina hans algjör ósann­ingi eða ómerki­leg ill­mælgi. Það sé ótrú­lega ófyr­ir­leitið að halda því fram að hann hafi gengið í eða sölsað undir sig sjóði í eigu ann­arra. 

Fram kom einnig í Kast­ljósi í gær að móðir systk­in­anna, Sig­ríður Guð­munds­dótt­ir, hefði sent bönkum í Evr­ópu og Banda­ríkj­unum bréf í leit sinni að þessum sjóði eig­in­manns síns eftir að hann var lát­inn og fjöl­skyldu­fyr­ir­tækið Ingvar Helga­son hafði verið selt fyrir lít­inn pen­ing. Júl­íus Víf­ill segir að það hafi verið erfitt að sjá systk­ini sín halda því fram að móðir þeirra hafi verið fjár­þurfi í ell­inni. „Hún var sem betur fer mjög vel efnum búin og skorti ekk­ert, en því miður þjáð í mörg ár af Alzheimer. Vænt­an­lega hefðu sömu ein­stak­lingar og tala með þessum hætti farið var­legar með fjár­muni hennar ef sú hefði verið raunin í stað þess að draga sér tugi millj­óna af banka­reikn­ingi henn­ar,“ segir hann í Morg­un­blað­inu í dag.