Píratar ætla að halda próf­kjör í öllum kjör­dæmum í sumar til að raða á fram­boðs­lista flokks­ins fyrir alþing­is­kosn­ingar í haust. Aðal­fundur flokks­ins var hald­inn um helg­ina og fram­boðs­list­arnir verði til­búnir í ágúst. Morg­un­blaðið greinir frá.

Píratar hafa mælst stærsta og næst stærsta fram­boðið til Alþingis frá árá­mótum sam­kvæmt Kosn­inga­spá Kjarn­ans og Bald­urs Héð­ins­sonar. Þrír þing­menn sitja á Alþingi fyrir Pírata, þau Birgitta Jóns­dótt­ir, Helgi Hrafn Gunn­ars­son og Ásta Guð­rún Helga­dótt­ir. Þau ætla öll að gefa kost á sér til áfram­hald­andi þing­setu eins og Kjarn­inn hefur greint frá.

Á aðal­fund­inum var einnig kosið í fram­kvæmda­ráð flokks­ins. 27 gáfu kost á sér en aðeins fimm fá fast sæti í ráð­inu og fimm manns til vara. Aðal­menn eru Elín Ýr Arn­ar-Haf­dís­ar­dóttir (for­mað­ur), Sunna Rós Víð­is­dótt­ir, Þór­laug Ágústs­dótt­ir, Rann­veig Ernu­dótt­ir, Eysteinn Jóns­son, Hall­dóra Sig­rún Ásgeirs­dóttir og Jason Stein­þórs­son. Tveir síð­ustu voru valdir með slembi­úr­taki  úr hópi fund­ar­gesta.

Stefnu­mál flokks­ins í kosn­ingum verða ákvörðuð af sér­stökum stefnu­mála­hóp sem kynntur var á aðal­fund­inum um helg­ina. Að sögn Sig­ríðar Bylgju Sig­ur­jóns­dótt­ur, fram­kvæmda­stjóra Pírata, verða það svo félagar í flokknum sem velja og kjósa áherslu­málin áður en fram­vkæmda­ráð og fram­bjóð­endur flokks­ins kynna málin fyrir kjós­end­um.

Fyr­ir­hugað er að halda kosn­inga í haust í kjöl­far þess að Sig­mundur Davíð Gunn­laugs­son, fyrr­ver­andi for­sæt­is­ráð­herra, sagði af sér í apr­íl. Ekki hefur verið gefin út dag­setn­ing fyrir kosn­ing­arn­ar, þó það verði eigi síðarn en í októ­ber. Stjórn­ar­flokk­arnir tveir, Fram­sókn­ar­flokkur og Sjálf­stæð­is­flokk­ur, segj­ast vilja ljúka ákveðnum málum áður en gegnið verður til kosn­inga.

Upp­fært kl. 9:48 – Það var ekki ákvörðun aðal­fund­ar­ins að halda próf­kjör eins og greint var frá fyrst. Það hefur verið lag­fært í frétt­inni að ofan.