Flestir for­seta­fram­bjóð­endur hafa nú mætt á kjör­stað til að kjósa næsta for­seta Íslands. Guðni Th. Jóhann­es­son mætti fyrstur klukkan 10 í morgun í Val­húsa­skóla á Sel­tjarn­ar­nesi. Hálf­tíma síðar kom Andri Snær Magna­son í Mennta­skól­ann við Sund og næstur var Davíð Odds­son í Haga­skóla. Halla Tóm­as­dóttir mætti klukkan 13 í Smár­ann í Kópa­vogi. Kjarn­inn fylgd­ist með þeim fram­bjóð­endum sem mæl­ast með mest fylgi í könn­un­um. 

Kjör­sókn í dag hefur verið svip­uð, og mögu­lega aðeins meiri, og í for­seta­kosn­ing­unum árið 2012 en um hádegi höfðu í kring um 10 pró­sent lands­manna kos­ið. Kjör­staðir opn­uðu flestir klukkan 9 í morgun og loka klukkan 22 í kvöld. 

For­seta­fram­bjóð­endur mæta á Kosn­inga­vöku RÚV klukkan 22 í kvöld og von er á fyrstu tölum um klukkan 23.

 „Þetta er létt­ir, enda búin að vera löng törn. Það verður gott að þurfa ekki að vera alltaf til­bú­inn með eitt­hvað snið­ugt að segja. Eins og til dæmis nún­a,“ sagði Guðni í Val­húsa­skóla í morg­un.

„Þetta er stór dag­ur. Það verður skrýtið að vakna í fyrra­mál­ið, þetta var farið að venj­ast svo vel. En okkur tókst að gera þetta af heil­ind­um,“ sagði Andri Snær þegar hann var að ganga í kjör­klef­ann í Mennta­skól­anum við Sund.

„Ég er með rosa­lega góða til­finn­ingu fyrir deg­inum öll­um. Ég fékk mér nýjan hafra­graut í morg­un, með nýjum rús­ínum og nýjum kan­el,“ sagði Davíð þegar hann skil­aði atkvæði sínu í Haga­skóla í morg­un. Þegar Ástríð­ur, eig­in­kona hans, gekk til kjör­klef­ans sagði hann: „Kjóstu rétt, kona.“

„Til­finn­ingin er mjög góð. Ég er mjög þakk­lát öllum og þetta er búið að vera frá­bært ferða­lag. Við lítum á þetta sem sigur hvernig sem fer og það er gott að enda í sókn,“ sagði Halla þegar hún kaus í Smár­anum í Kópa­vogi í hádeg­inu.