Gunnar Hrafn Jóns­son, frá­far­andi frétta­maður á erlendu deild Frétta­stofu RÚV, ætlar að sækj­ast eftir 2. sæti á lista Pírata í öðru hvoru Reykja­vík­ur­kjör­dæm­inu. Hann hefur nú skilað inn form­legri til­kynn­ingu um að hann taki þátt í próf­kjöri flokks­ins. Gunnar Hrafn seg­ist á Face­book síðu sinni þó ætla að starfa með Pírötum hvernig sem próf­kjörið fari. 

„Mér finnst æski­leg­ast að odd­vitar okkar verði fólk sem hefur starfað innan flokks­ins í nokkurn tíma. Við eigum mikið af frá­bæru fólki með reynslu af ýmsum sviðum sem tekur þátt í próf­kjör­inu og ég á ekki von á öðru en að þetta verði frá­bærir list­ar,“ skrifar Gunnar Hrafn á Face­book og deilir þar við­tali við Harma­geddon á X-in­u. 

Björn Þor­láks­son, fyrr­ver­andi rit­stjóri, sótt­ist eftir odd­vita­sæti Pírata á Akur­eyri en hafn­aði í því sjö­unda eftir próf­kjör. Hann hafði ekki unnið lengi með flokknum og sagði skilið við hann eftir að nið­ur­stöð­urnar urðu ljós­ar. Þá viðr­aði hann þá hug­mynd að stofna nýjan flokk í kjöl­farið en fór ekki lengra með það. 

Gunnar Hrafn sagði upp starfi sínu sem frétta­maður á RÚV um síð­ustu helgi og sagð­ist þá von­ast til þess að fara í próf­kjör fyrir Pírata.