Ekki mælist marktækur munur á fylgi Viðreisnar og Framsóknarflokks

Framsóknarflokkurinn stendur í stað í nýrri kosningaspá en Viðreisn sækir enn í sig veðrið. Ekki mælist marktækur munur milli fylgi flokkanna. Píratar eru enn stærstir og fylgi við Sjálfstæðisflokk minnkar enn.

Fylgi við Framsókn minnkaði hratt í kjölfar Wintris-málsins. Fylgi Sjálfstæðisflokks minnkaði lítillega í einni könnun en flokkurinn náði vopnum sínum fljótt aftur. Framsóknarflokkur mælist nú ekki með meira en 10 prósenta fylgi.
Fylgi við Framsókn minnkaði hratt í kjölfar Wintris-málsins. Fylgi Sjálfstæðisflokks minnkaði lítillega í einni könnun en flokkurinn náði vopnum sínum fljótt aftur. Framsóknarflokkur mælist nú ekki með meira en 10 prósenta fylgi.
Auglýsing

Við­reisn er nú með nán­ast jafn mikið fylgi og Fram­sókn­ar­flokk­ur­inn og mælist með 9,5 pró­sent í nýrri kosn­inga­spá. Píratar mæl­ast enn með mestan stuðn­ing allra fram­boða sem hyggj­ast bjóða fram í fyr­ir­hug­uðum Alþing­is­kosn­ingum í haust.

Fylgi við Við­reisn hefur auk­ist jafnt og þétt í síð­ustu kosn­inga­spám, sem Kjarn­inn og Baldur Héð­ins­son gera í sam­ein­ingu. Á sama tíma og Við­reisn bætir við sig virð­ist stuðn­ingur við önnur fram­boð minnka eða standa í stað. Sam­fylk­ingin bætir reyndar örlítið við sig en nær ekki jafn miklu fylgi og Fram­sókn­ar­flokks og Við­reisn. Ekki er mark­tækur munur á fylgi Við­reisnar og Fram­sókn­ar­flokks.

Sjálf­stæð­is­flokk­ur­inn hlyti 23 pró­sent atkvæða ef gengið yrði að kjör­borð­inu nú, sam­kvæmt kosn­igna­spánni. Fylgi við flokk­inn hefur minnkað nokkuð í síð­ustu kosn­inga­spám og fallið úr nærri 30 pró­sent fylgi.

Á sama tíma virð­ist stuðn­ingur við Pírata hafa fundið jafn­vægi á ný í rúm­lega 28 pró­sent stuðn­ingi. Þegar best lét nutu Píratar fylgis meira en 35 pró­sent kjós­enda framan af ári en í Wintris-vik­unni svoköll­uðu í byrjun apríl byrj­aði stuðn­ingur við Pírata að falla.

Auglýsing

Vinstri græn eru enn þriðja stærsta fram­boðið sam­kvæmt kosn­inga­spánni. Stuðn­ingur við flokk­inn mælist nú 16,1 pró­sent, örlítið minna en í síð­ustu kosn­inga­spá. Vinstri græn virð­ast einnig hafa fundið jafn­vægi í rúmum 16 pró­sentum eftir fylg­is­flakkið í byrjun apr­íl. Fram­sókn­ar­flokkur mælist með 10 pró­sent fylg­i.

Enn mælist Björt fram­tíð með minnst fylgi allra núver­andi flokka á Alþingi. Fram­boð þeirra mælist með aðeins 3,7 pró­sent stuðn­ing. Ætla má að flokkur þurfi að fá um fimm pró­sent atkvæða á lands­vísu til að ná kjöri. Erfitt er hins vegar að fjöl­yrða um slíkt því eitt fram­boð gæti verið að sækja meiri stuðn­ing í eitt kjör­dæmi umfram önn­ur. Enn er ekki farið að kanna stuðn­ing innan hvers kjör­dæmis fyrir sig.

Önnur fram­boð fá minna en eitt pró­sent stuðn­ing. Dögun mælist með 0,5 pró­sent og Alþýðu­fylk­ingin með 0,1 pró­sent. Önnur fram­boð fengju sam­tals 0,3 pró­sent. Stuðn­ingur við Dögun og Alþýðu­fylk­ing­una er innan vik­marka.

Nýjasta kosn­inga­spáin var gerð 3. júlí og er byggð á þremur nýj­ustu könn­unum sem gerðar hafa verið á fylgi fram­boða í Alþing­is­kosn­ingum sem fyr­ir­hug­aðar eru í haust. Nýjasta könn­unin vegur lang þyngst í þetta sinn. Það útskýrist af stærð könn­un­ar­innar og lengd tíma­bils­ins sem hún er gerð á. Kann­an­irnar eru:

  • Þjóð­ar­púls Gallup 26. maí til 29. júní (vægi 50,2%)
  • Skoð­ana­könnun Félags­vís­inda­stofn­unar HÍ fyrir Morg­un­blaðið 19. til 22. júní (vægi 30,6%)
  • Skoð­ana­könnun Félags­vís­inda­stofn­unar HÍ fyrir Morg­un­blaðið 8. til 12. júní (vægi 19,2%)

Hvað er Kosn­­­­inga­­­­spá­in?

Kosn­­­­inga­­­­spálíkan Bald­­­­urs Héð­ins­­­­sonar miðar að því að setja upp­­­­lýs­ing­­­­arnar sem skoð­ana­kann­­­­anir veita í sam­hengi. Fyr­ir­liggj­andi skoð­ana­kann­­­­anir eru teknar saman og þeim gefið vægi til þess að spá fyrir um úrslit kosn­­­­inga. Kjarn­inn birti Kosn­­­­inga­­­­spá Bald­­­­urs fyrir sveit­­­­ar­­­­stjórn­­­­­­­ar­­­­kosn­­­­ing­­­­arnar og reynd­ist sú til­­­­raun vel. Á vefnum kosn­­­­inga­­­­spá.is má lesa nið­­­­ur­­­­stöður þeirrar spár og hvernig vægi kann­ana var í takt við frá­­­­vik kann­ana miðað við kosn­­­inga­úr­slit­in.

Áreið­an­­­­leiki könn­un­­­­ar­að­ila er reikn­aður út frá sög­u­­­­legum skoð­ana­könn­unum og kosn­­­­inga­úr­slit­­­­um. Einnig hefur það vægi hversu langt er síðan könn­unin var fram­­­­kvæmd og svo hversu margir svara í könn­un­un­­­­um.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Myndir af börnum í Austur-Kongó með alvarleg einkenni apabólu.
Fimm staðreyndir um apabólu
Apabóla er orð sem Íslendingar höfðu fæstir heyrt þar til nýverið er tilfelli af þessum sjúkdómi hófu að greinast í Evrópu og Norður-Ameríku. Sjúkdómurinn er hins vegar vel þekktur í fátækustu ríkjum heims þar sem þúsundir sýkjast árlega.
Kjarninn 19. maí 2022
Sonja Ýr Þorbergsdóttir formaður BSRB
„Hlutverk hins opinbera er að tryggja öllum húsnæðisöryggi“
Formaður BSRB segir að margt sé til bóta í tillögunum starfshóps um aðgerðir og umbætur á húsnæðismarkaði – og gefi ástæðu til hóflegrar bjartsýni um betri tíma.
Kjarninn 19. maí 2022
Árni Guðmundsson
Af þreyttasta frumvarpi Íslandssögunnar
Kjarninn 19. maí 2022
Jóhannes Þór Skúlason er framkvæmdastjóri Samtaka ferðaþjónustunnar.
Vilja margföldun á framlagi ríkisins til rannsókna í ferðaþjónustu
Samtök ferðaþjónustunnar gagnrýna framsetningu á framlögum til ferðamála í umsögn sinni við fjármálaáætlun. Samtökin óska eftir 250 milljón króna árlegri hækkun framlaga til rannsókna í greininni á gildistíma áætlunarinnar.
Kjarninn 19. maí 2022
Húsnæðisstuðningur skuli fyrst og fremst nýtast þeim sem á þurfa að halda
Ljóst er að staða leigjenda út frá húsnæðisöryggi og byrði húsnæðiskostnaðar er lakari en þeirra sem eiga eigin íbúð. Aðgerða er þörf sem miða m.a. að því að lækka byrði húsnæðiskostnaðar hjá efnaminni leigjendum, samkvæmt nýrri skýrslu.
Kjarninn 19. maí 2022
Margar kvartanir byggðar „á misskilningi“
UN Women lýsa yfir þungum áhyggjum af aðstæðum einstaklinga sem hingað hafa leitað að skjóli og eru hluti af búsetuúrræði ÚTL á Ásbrú. Samkvæmt ÚTL hefur aðstaðan verið í stöðugri endurskoðun undanfarna rúma tvo mánuði.
Kjarninn 19. maí 2022
Þórður Snær Júlíusson
Að vinna þegar maður tapar
Kjarninn 19. maí 2022
Claudia Ashanie Wilson, Eiríkur Rögnvaldsson, Eliza Reid, Eyrún Ólöf Sigurðardóttir, Gísli Pálsson og Sema Erla Serdaroglu
Kynþáttamörkun
Kjarninn 19. maí 2022
Meira úr sama flokkiInnlent
None