Tyrk­neski her­inn er sagður í fréttum erlendra fjöl­miðla, þar á meðal breska rík­is­út­varps­ins BBC, hafa tekið völdin víða í Tyrk­landi. Þetta kom einnig fram í stuttri til­kynn­ingu frá hernum á tyrk­nesku frétta­stöð­inni NTV. 

Yfir­völd segja að þetta sé „ólög­leg aðgerð“ og það þeir sem beri ábyrgð á henni fá þyngstu refs­ingu fyr­ir. Her­inn hefur ítrekað í yfir­lýs­ing­um, að hann hafi steypt Recep Tayyip Erdogan for­seta lands­ins af stóli, og fari nú með völd­in.

Fréttir hafa borist af því í kvöld að her­þotum hafi verið flogið í lág­flugi yfir borg­inni. Ata­tur­k-flug­völl­ur­inn í Ist­an­búl hefur verið her­tek­inn og sam­göngu­æðum í borg­inni hefur verið lokið af hern­um. Lýst hefur verið yfir útgöngu­banni, og lög­reglu­þjónar verið hand­tekn­ir.



Þá sjást skrið­drekar á götum úti, og meðal ann­ars í nálægt við opin­berar bygg­ingar í Ist­an­búl.

Erdogan for­seti ræddi við sjón­varps­stöð í Tyrk­landi nú í kvöld, en hann er í sum­ar­fríi við Svarta­haf­ið. Hann not­aði for­ritið Facetime til þess að ræða við fjöl­mið­il­inn, eins og sjá má hér að neð­an. Hann hvatti Tyrki til þess að fara út á götur og sýna rík­is­stjórn­inni stuðn­ing. Ekk­ert vald væri eins sterkt og vald fólks­ins. 

Borg­ara­þjón­usta íslenska utan­rík­is­ráðu­neyt­is­ins hefur verið virkjuð vegna fregna af valdarán­inu, og er þeim til­mælum beint til íslenskra ferða­manna í Tyrk­landi og Íslend­inga sem búa í land­inu að láta vita af sér. Flestar sam­skipta­leiðir aðrar en síma­línur virð­ist lok­aðar í Tyrk­landi, og tekið hefur gildi útgöngu­bann í helstu borg­um. Utan­rík­is­ráðu­neytið beinir því til fólks að halda sig inn­an­dyra og fylgja fyr­ir­mælum tyrk­neskra yfir­valda.