Hag­kerfi Bret­lands hefur ekki minnkað hraðar síðan í efna­hags­hrun­inu árið 2008 og 2009 og nú. Sam­kvæmt hag­grein­ingu breska fyr­ir­tæk­is­ins Markit hafa bæði þjón­ustu- og fram­leiðslu­geirar orðið fyrir barð­inu á ákvörðun Breta um að segja sig úr Evr­ópu­sam­band­inu.

Philip Hamm­ond, fjár­mála­ráð­herra í nýrri rík­is­stjórn Ther­esu May, segir í sam­tali við Sky News að Brex­it-­þjóð­ar­at­kvæða­greiðslan hafi „dældað traust á breskum fyr­ir­tækj­u­m“. Nú sé Bret­land á óvissu­tím­um. „Verk­efnið okkar er að end­ur­byggja eins mikið traust og við get­um, eins hratt og við get­um. Hamm­ond segir að til þess að end­ur­vekja traustið verði Bret­land að ná skjótu sam­komu­lagi við Evr­ópu­sam­bandið og Kína. Ráð­herran er þessa stund­ina staddur í Pek­ing þar sem hann fundar með kín­verskum ráða­mönn­um.

Haft er eftir Chris Willi­ams­son, hag­fræð­ingi Markit, í breskum fjöl­miðlum í dag að júlí hafi verið ein­stak­lega dramat­ískur fyrir efna­hags­líf­ið; atvinnu­rekstur hafi ekki lypp­ast jafn hratt síðan fjár­málakreppan náði hæðum sínum á fyrri hluta árs­ins 2009.

Þetta er fyrsta úttekt Markit síðan þjóð­ar­at­kvæða­greiðslan var haldin í lok júní, en þaðan ber­ast hag­tölur og grein­ingar á meira en 1.200 breskum fyr­ir­tækjum í hverjum mán­uði. Í tíst­inu hér að neðan frá Fai­sal Islam, frétta­manni Sky News, má sjá línu­ritið sem sýnir hag­sveiflur síð­ustu ára í Bret­landi.