Vegna auk­ins fram­boðs á flug­förum til Bret­lands til og frá Íslandi hafa far­gjöld lækkað um nærri helm­ing á aðeins einu ári. Á öðrum árs­fjórð­ungi árs­ins 2016 var með­al­far­gjald var 49 pró­sent lægra en á sama tíma í fyrra. Lang oft­ast er flogið til London frá Kefla­vík því nærri því fimmta hver þota sem tekur á loft frá Kefla­vík­ur­flug­velli flýgur til London.

Á vefnum Túrist­i.is má lesa um að sam­kvæmt tölum frá flug­bók­un­ar­síð­unni Kayak hafi flug­far til 20 vin­sæl­ustu áfanga­stað­anna frá London almennt lækkað þó nokkuð mik­ið. Reykja­vík var fimmti vin­sæl­asti áfanga­staður ferða­langa frá London á öðrum árs­fjórð­ungi. Ísland hafði þá hoppað um 39 sæti á list­anum því í sama tíma í fyrra var Reykja­vík í 44. sæti list­ans hjá Kayak.

Við­skipta­vinir Kayak keyptu flestir flug til New York frá London en með­al­far­miða­verð á þeirri leið hefur aðeins lækkað um níu pró­sent. Mest hefur verðið lækkað á flugi frá Bret­landi til Ibiza-eyj­unnar spænsku. Verð­breyt­ingin á milli ára var 58 pró­sent sé annar árs­fjórð­ungur árs­ins í ár bor­inn saman við sama tíma í fyrra. Hlut­falls­leg verð­breyt­ing á flugi til Mílanó var sú sama á sama tíma­bili.

Ísland er vin­sæl­ast meðal breskra og banda­ríska ferða­manna. Aukn­ing breskra ferða­langa til Íslands nam 36 pró­sentum sam­kvæmt taln­ingu Ferða­mála­stofu á fjölda ferða­manna í apr­íl, maí og júní. Flogið er frá ell­efu flug­völlum í Bret­landi til Íslands. Fjórir þess­ara valla eru í London.

Íslensku flug­fé­lögin fljúga áætl­un­ar­flug til marg­ara áfanga­staða í Bret­landi. WOW air flýgur til fjög­urra áfanga­staða og Icelandair til fimm borga.