Ólafur Ólafs­son fjár­festir var sak­laus dæmdur af reiðu og örvænt­ing­ar­fullu sam­fé­lagi, og dóms­kerfið fylgdi eftir dómum sam­fé­lags­ins „á kald­rifj­aðan og þaul­skipu­lagðan hátt.“ Þetta skrifar Ingi­björg Krist­jáns­dótt­ir, eig­in­kona Ólafs, í grein sem birt­ist á Vísi í dag. 

Ingi­björg skrifar meðal ann­ars um Kvía­bryggju, þar sem eig­in­maður hennar afplán­aði hluta dóms síns fyrir hlut sinn í Al Than­i-­mál­inu þar til fyrir skömmu. Hann er nú á Vernd. Hún skrifar um fang­ana sem þar eru og seg­ir: „Sumir hafa drýgt hrotta­lega glæpi, aðrir hafa ein­fald­lega orðið undir í líf­inu, og …enn aðrir eru þarna af því að sam­fé­lagið þurfti útrás fyrir reiði sína. 

Til­hugs­unin um að þarna inni sitji hugs­an­lega fleiri menn, sak­lausir eins og mað­ur­inn minn, dæmdir af reiðu og örvænt­ing­ar­fullu sam­fé­lagi er ekki góð,“ skrifar Ingi­björg. „Sú stað­reynd að dómum sam­fé­lags­ins var síðan löngu seinna, á kald­rifj­aðan og þaul­skipu­lagðan hátt, fylgt eftir af stór­göll­uðu dóms­kerfi, rekið áfram af ann­ar­legum hags­munum dóm­ara sem eru virkir þáttak­endur og partur af þessu sam­fé­lagi, tengdir fjöl­skyldu- og vina­böndum þvers og krus­s….er heldur verri.“ 

Hún segir að svo til allt sem eigi að vera heil­agt í nútíma­þjóð­fé­lagi, sem setji mann­rétt­indi ofar öllu, hafi verið van­virt eða hent fyrir róða í mál­inu gegn manni hennar og öðrum sem dæmdir voru. „Hug­tök eins og „sak­laus uns sekt er sönn­uð“ hafa ekk­ert gildi, „van­hæfi dóm­ara“ skiptir engu máli, „borg­ara­leg rétt­indi sak­born­inga“ eru fótum troð­in.“ 

Hún segir að dóm­urum sé gefið gíf­ur­legt vald til að svipta mann­eskju frels­inu. Dóm­arar þurfi að vera hafnir yfir allan vafa og heil­indi þeirra þurfi að vera ótví­ræð. „Svo er því miður ekki.“ 

Ingi­björg segir það sitt verk­efni að fyr­ir­gefa sam­fé­lag­inu dóm­hörk­una, og hún sé á góðri leið með það. „Ég mun hins vegar eiga erf­ið­ara með að fyr­ir­gefa kerf­inu, kaldrifj­uðum dóm­urum og emb­ætt­is­mönnum sem vernda sína menn út í hið óend­an­lega og metn­að­ar­lausum stjórn­mála­mönnum sem hafa ekki þor til að stíga fram og stoppa þessa aðför að sak­lausu fólki.“ 

Hún segir það verk­efni sam­fé­lags­ins að horfast í augu við það „hve hrapa­lega okkur hefur mis­tek­ist að gera upp efna­hags­hrunið á rétt­látan og heið­ar­legan máta. Norna­veiðar sam­tím­ans munu snú­ast uppí skömm morg­un­dags­ins.“ 

Ólafur Ólafs­­son hlaut fjög­­urra og hálfs árs fang­els­is­­dóm í Al Than­i-­­mál­inu svo­­kall­aða fyrr á þessu ári fyrir mark­aðs­mis­­­not­k­un.