„Svona sterk skila­boð hafa ekki verið send í langan tíma,“ segir Páll Erlings­son, for­maður Kenn­ara­fé­lags Reykja­ness, í við­tali við Morg­un­blaðið í dag, og vísar til þeirrar stöðu sem nú er uppi í kjara­deilu Félags grunn­skóla­kenn­ara og sveit­ar­fé­laga en félags­menn hafa nú á skömmum tíma í tvígang fellt kjara­samn­ing. Sam­kvæmt honum áttu laun kenn­ara að hækka um 9 pró­sent á tveimur árum, en eins og mál standa nú eru engar við­ræður í gangi og alls óvíst hvenær hægt verður að reyna í þriðja sinn að ná samn­ingum sem kenn­arar geta sætt sig við.

„Ég vona að sjálf­sögðu það besta. En það er fullt af fólki sem er reiðu­búið til að gera ýmis­legt – maður veit ekki hvað verð­ur. Það sem ég hef hins vegar mestar áhyggjur af er að ef ekk­ert lag­ast þá verður flótti úr stétt­inn­i,“ segir Páll í við­tali við Morg­un­blað­ið.

Inga Rún Ólafs­dótt­ir, for­maður samn­inga­nefndar sveit­ar­fé­laga, segir stöð­una þrönga. Sveit­ar­fé­lög ráði ekki við frek­ari hækk­anir á laun­um, og því sé ekk­ert nýtt fram að færa í við­ræð­um. Málin hafi marg­sinnis verið rædd, og nú sé stál í stál.

Um 57 pró­sent þeirra sem kusu um samn­ing­inn á mánu­dag­inn sögðu nei við hon­um, en 39 pró­sent vildu semja. Á kjör­skrá voru 4.513.