Sex af hverjum níu stjórn­endum fyr­ir­tækja í Bret­landi eru svart­sýnir á að skapa ný störf og tengja þeir stöð­una við Brex­it-­kosn­ing­una í Bret­landi, þar sem almenn­ingur kaus með því að Bret­land myndi yfir­gefa Evr­ópu­sam­band­ið. Ekki liggur fyrir enn hvernig að því verður stað­ið, en Ther­esa May, for­sæt­is­ráð­herra, hefur ítrekað að við það verði stað­ið.

Könn­un­in, sem var með stóru úrtaki, var gerð í sumar en nið­ur­stöð­urnar voru kunn­gerðar í gær. Það var alþjóð­lega fyr­ir­tækið Man­power sem fram­kvæmdi könn­un­ina, en hún nefn­ist Man­power Employ­ment Out­look Sur­vey. Með könn­un­inni reynir fyr­ir­tækið að kort­leggja í hvaða geirum atvinnu­lífs­ins störfum muni fjölga og í hvaða geirum störfum muni fækka.

Sam­kvæmt frétt breska rík­is­út­varps­ins BBC þá náði könn­unin til 2.100 stjórn­enda fyr­ir­tækja, og voru þeir spurðir út í ráðn­ing­ar­horfur á næstu miss­er­um. Horf­urnar þykja sér­stak­lega slæmar í fjár­mála­geir­anum og í mann­virkja­geir­an­um, en fall punds­ins hefur komið illa við ýmsa geira sem reiða sig á inn­flutt efni af ýmsu tagi, eins og þarf til hús­bygg­inga. 

Smá­salar bera sig bet­ur, og segj­ast ekki hafa fundið fyrir miklu falli í verslun enn­þá, og telja að horfur á mark­aði séu ekki svo slæm­ar. 

Sam­tals telja 8 pró­sent stjórn­enda að þeir muni fjölga starfs­fólki, um fjögur pró­sent telja öruggt að þeir muni fækka fólki, en 87 pró­sent að starfs­mönnum muni ekki fjölga. 

Gengi punds­ins hefur fallið veru­lega gagn­vart helstu við­skipta­myntum heims­ins á und­an­förnum mán­uð­um. Sé sér­stak­lega horft á gengi punds­ins gagn­vart krón­unni þá nemur fallið um 25 pró­sentum á und­an­förnu ári. Pundið kostar nú 153 krónur en það kost­aði 206 krónur fyrir ári síð­an.