For­svars­menn Deuts­hce Banka, eins stærsta banka Evr­ópu, sögð­ust í gær ekki hafa neinn hug á því að greiða fjórtán millj­arða Banda­ríkja, rétt um 1.600 millj­arða króna, í sekt­ar­greiðslu vegna mála sem hafa verið til rann­sóknar hjá yfir­völdum í Banda­ríkj­un­um, og tengj­ast skulda­bréfa­vafn­ing­um. Mark­aðsvirði bank­ans féll um rúm­lega átta pró­sent eftir að til­kynn­ing banda­ríska dóms­mála­ráðu­neyt­is­ins var birt, þar sem bank­anum var gert að greiða 14 millj­arða Banda­ríkja­dala í stjórn­valds­sekt.

For­svars­menn bank­ans gera sér vonir um að stjórn­valds­sektin verði lækk­uð, en við­ræður milli bank­ans og ráðu­neyt­is­ins munu halda áfram á næstu mán­uð­um, þar til end­an­leg nið­ur­staða liggur fyr­ir. For­dæmi eru fyrir því að sektir lækki umtals­vert eftir slíkar við­ræð­ur. Þannig lækk­aði stjórn­valds­sekt Citigroup árið 2012 úr 12 millj­örðum Banda­ríkja­dala í sjö, vegna svip­aðra mála, það er svo­nefndra und­ir­málslána og skulda­bréfa­vafn­inga frá árinu 2007 og 2008.

Í umfjöllun Bloomberg í dag kemur fram að fjár­festar hafi áhyggjur af því að bank­inn geti ekki tek­ist á við him­in­háar sekt­ir, og þurfi að end­ur­skipu­leggja rekst­ur­inn vegna þeirra, þar á meðal að selja eign­ir. Nú þegar hefur bank­inn sett til hliðar um 6 millj­arða Banda­ríkja­dala til að mæta mögu­legum sekt­um, en það er innan við helm­ingur af sekt­ar­greiðsl­unum sem nú liggja fyr­ir. 

Nú þegar hefur bank­inn greitt um níu millj­arða Banda­ríkja­dala í sekt­ir, frá árinu 2008, eða sem nemur um 1.100 millj­örðum króna.

Sektin kemur líka á vondum tíma fyrir bank­ann núna, að sögn breska rík­is­út­varps­ins BBC, þar sem rekst­ur­inn hefur farið versn­andi. Þannig féllu tekjur bank­ans um 20 pró­sent á öðrum árs­fjórð­ungi þessa árs, miðað við sama tíma í fyrra, og hagn­aður dróst saman um 67 pró­sent.