Kjarn­inn miðlar ehf. til­kynnir um útgáfu á pistla­safni Hrafns Jóns­sonar „Út­sýnið úr fíla­beins­turn­inum - Saga af kjör­tíma­bil­i“. Söfnun fyrir útgáf­unni, og sala á bók­inni, stendur nú yfir á Karol­ina Fund. Hægt er að leggja henni lið og eign­ast ein­tak hér. Náist sett mark­mið er stefnt að útgáfu bók­ar­innar í kringum kom­andi kosn­ing­ar.

Hrafn Jóns­son (Krummi) eyddi gullár­unum sínum í að vera lat­ur, feitur og óör­ugg­ur. Eina skiptið sem hann hafði eign­ast pen­inga var eftir að hann varð fyrir stræt­is­vagni og fékk miska­bæt­ur. Allt var þetta partur af hans púp­un­ar­ferli og þegar Hrafn hóf að skrifa pistla fyrir Kjarn­ann í byrjun árs 2014 braust hann loks­ins út og breiddi út væng­ina eins og háruga, föla og sífellt verr tennta fiðr­ildið sem hann er.

Pistl­arnir hafa notið gríð­ar­legra vin­sælda. Í þeim fjallar hann á hæðin hátt - en með beittum und­ir­tón - um þjóð­fé­lags­um­ræðu hvers tíma.

Í ljósi þess að óvissu­tímar eru fram undan í íslenskum stjórn­málum þá var það mat aðstand­enda verk­efn­is­ins að ekki verði hægt að treysta því að Inter­netið verði hér til fram­búð­ar.

Þess vegna þarf að koma pistlum Hrafns um þjóð­fé­lags­mál, sem eru nú á þriðja tug þús­und orð, á prent. Aðeins þannig tryggjum við að pistl­arnir endi í bundnu máli á Lands­bóka­safn­inu. Og Hrafni inn­göngu i Rit­höf­unda­sam­band Íslands nú þegar búið er að reka hann úr Tel Aviv norð­urs­ins, Plain Vanilla.

Kjarn­inn ætlar að koma slíku riti út í aðdrag­anda kom­andi kosn­inga svo Íslend­ingar geti fengið heild­rænt yfir­lit yfir þá atburða­rás sem átt hefur sér stað á þessu kjör­tíma­bili, séð með augum Hrafns Jóns­son­ar.

Þórður Snær Júl­í­us­son, rit­stjóri Kjarn­ans, mun skrifa inn­gang að hverjum pistli til að setja þá í sam­hengi við þjóð­fé­lags­um­ræð­una hverju sinni og ef nægir pen­ingar safn­ast þá er stefnt að því að fá ein­hvern heims­frægan til að rita inn­gang henn­ar. Hrafn mun síðan sjálfur rita ódauð­leg loka­orð.

Allar frek­ari upp­lýs­ingar má finna hér.