Guðni Th. Jóhann­es­son, for­seti Íslands, seg­ist ekki hafa beðið um launa­hækkun og hann þurfi ekki launa­hækk­un. „Ég vænti þess að þingið vindi þá ofan af þess­ari ákvörðun og taki það í sínar hendur og ég myndi sætta mig full­kom­lega við þær lykt­ir,“ sagði Guðni Th. á blaða­manna­fundi sínum að loknum fundi með Bjarna Bene­dikts­syni, for­manni Sjálf­stæð­is­flokks­ins. 

Þar ræddi hann um ákvörðun Kjara­ráðs um að hækka laun hans, líkt og ráð­herra og alþing­is­manna. 

„Þangað til sé ég til þess að þessi hækkun renni bara alls ekki í minn vasa,“ sagði for­set­inn. Hann var þá spurður hvert hækk­unin myndi renna. Hann spurði þá fjöl­miðla­menn hvort hann þyrfti að greina frá því. „Á ég að vera ein­hver móðir Ter­esa sem gortir sig af því?“ 

Bjarni Bene­dikts­son, for­maður Sjálf­stæð­is­flokks­ins, segir það vel koma til greina að þingið grípi inn í ákvörðun Kjara­ráðs. „Ég hef fullan skiln­ing á því að fólki þyki þetta vera úr öllum takti við það sem hefur verið að ger­ast á almennum vinnu­mark­að­i.“ 

Hann sagði að mögu­lega væri nauð­syn­legt í ljósi aðstæðna að Alþingi grípi inn í og stöðvi launa­hækk­an­ir. Komi til þess að þingið grípi inn í þessi mál þá þyki honum nauð­syn­legt að reynt verði að skapa grund­völl fyrir var­an­lega lausn á þessum mál­um. Hans skoðun væri sú að aðeins þeir sem ekki geti samið um kjör sín eigi að heyra undir Kjara­ráð. Hann vilji að lögum um Kjara­ráð verði breytt með mjög rót­tækum hætti, og þessi mál séu ekki í nægi­lega góðum far­vegi eins og er.