„Mín fyrstu skref verða að eiga sam­töl við for­menn ann­arra flokka, og ég mun reyna að nýta tím­ann vel,“ sagði Bjarni Bene­dikts­son, for­maður Sjálf­stæð­is­flokks­ins, á Bessa­stöðum að loknum fundi hans með for­seta Íslands, Guðna Th. Jóhann­essyn­i. 

Hann sagði eðli­legt að það taki tíma að ná sam­an, sér­stak­lega þegar fyrir liggi að ekki sé hægt að mynda tveggja flokka stjórn. „Ég er ekki með neina fyr­ir­fram gefna nið­ur­stöðu og ekki neina val­kosti fyr­ir­fram.“ Hann sagði að eftir því sem dag­arnir líði verði menn aðeins afslapp­aðri. Honum hafi þótt skrýtið að flokkar hafi lýst yfir að vilji væri til breið­ara sam­starfs en svo væru menn svo upp­teknir af því að úti­loka hvern ann­an. Hann sagð­ist hins vegar bjart­sýnn á að hægt væri að líta til lengri tíma inn í fram­tíð­ina. 

Hann var spurður um mögu­leik­ann á stjórn Sjálf­stæð­is­flokks­ins, Við­reisnar og Bjartrar fram­tíðar og sagði það aug­ljós­lega einn mögu­leik­ann í stöð­unni. „Gall­inn við þann mögu­leika er hversu knappur meiri­hluti það er,“ en flokk­arnir þrír hafa 32 þing­menn sam­an­lag­t. 

Bjarni sagð­ist ekki úti­loka Fram­sókn­ar­flokk­inn í sínum við­ræð­um, það komi alveg til greina að flokk­ur­inn eigi aðild að rík­is­stjórn. Hann hafi átt mjög gott sam­starf við for­ystu flokks­ins. „Það er fullur vilji til að ræða við Fram­sókn­ar­flokk­inn.“