Banda­ríkja­menn kusu um fleiri hluti en næsta for­seta lands­ins í kosn­ing­unum í gær. Á kjör­seðl­inum gátu Banda­ríkja­menn kosið fólk í hin ýmsu emb­ætti: þing­sæti, rík­is­stjóra, dóm­ara og sak­sókn­ara. Kjör­seð­ill­inn var mjög mis­mun­andi eftir ríkj­um. Sum staðar mátti einnig kjósa um ein­staka mál­efni. Í nokkrum ríkjum völdu kjós­endur að leyfa neyslu mari­júana.

Kanna­bis hefur verið lög­leitt í Kali­forn­íu, Massachu­setts, Nevada, Flori­da, Akransas, Arizona og Norð­ur­-Da­kóta eftir kosn­ing­arnar í gær. Þetta er mik­ill sigur fyrir þá sem hafa barist fyrir lög­leið­ingu kanna­bis og bæt­ast þessi ríki í hóp nokk­urra ann­arra sem þegar hafa lög­leitt neyslu kanna­bis.

Í flestum til­vikum er hins vegar ekki um að ræða algert frelsi með sölu og neyslu kanna­bis. Í flestum ríkjum sem leyfa neyslu þess eru settar tak­mark­an­ir.

Í Kali­forníu er gert ráð fyrir því að mark­aður með kanna­bis verði stærri en kanna­bis­mark­aður ríkj­anna Colora­do, Was­hington, Oregon og Alaska sam­an­lagt eftir lög­leið­ing­una. Kali­fornía er eitt og sér fimmta stærsta hag­kerfi heims og er talið að þessar reglu­breyt­ingar muni hafa alþjóð­leg áhrif á kanna­bis­mark­að.

Colorado og Was­hington voru fyrstu ríkin í Banda­ríkj­unum til að lög­leiða kanna­bis­neyslu en síðan hefur mark­aður með kanna­bis verið sá sem vaxið hefur hvað hrað­ast í Banda­ríkj­un­um.

Jafn­vel þó ein­staka ríki í Banda­ríkj­unum hafi breytt um stefnu hvað þetta mál varðar er kanna­bis enn bannað eit­ur­lyf í alrík­is­lögum í Banda­ríkj­un­um.