Katrín Jak­obs­dótt­ir, for­maður Vinstri­hreyf­ing­ar­inn­ar–græns fram­boðs, er komin með stjórn­ar­mynd­un­ar­um­boð­ið. Þetta til­kynnti Guðni Th. Jóhann­es­son, for­seti Íslands, fyrir skömmu, að loknum fundi þeirra tveggja. 

Guðni sagð­ist hafa talað við Katrínu í gær, eftir að hann hafði fundað með Bjarna Bene­dikts­syni, for­manni Sjálf­stæð­is­flokks­ins. Þar til­kynnti Bjarni Guðna að form­legar við­ræður hans við Bjarta fram­tíð og Við­reisn hefðu strand­að. „Í fram­haldi af þeim fundi ræddi ég við Katrínu Jak­obs­dóttur og fór þess á leit við hana að hún myndi leiða við­ræður um stjórn­ar­mynd­un, taka við stjórn­ar­mynd­un­ar­um­boði. Hún varð við því.“ 

Guðni ræddi við leið­toga ann­arra flokka þegar hann hafði talað við Katrínu og greindi þeim frá þessu. 

„Við ræddum um það að þótt ekki mætti rasa um ráð fram þá þyrfti að hafa hraðar hend­ur,“ sagði Guðni um tímara­mmann sem Katín fengi til mynd­unar stjórn­ar. Þau ætli að hitt­ast aftur um helg­ina eða í síð­asta lagi á mánu­dag. 

Guðni sagði algjör­lega ótíma­bært að ræða um mögu­leik­ann á utan­þings­stjórn, þrátt fyrir að staðan sé flók­in. Hann sagði stöð­una þannig að Alþingi yrði að koma saman fljót­lega, jafn­vel áður en rík­is­stjórn verði mynd­uð. 

Þess er nú beðið að Katín Jak­obs­dóttir ræði við fjöl­miðla á Bessa­stöð­u­m.