Nefnd um dóm­ara­störf vinnur að því að skrá erindi sem bár­ust fyrir árið 2010 og frá þeim tíma hafa öll erindi til nefnd­ar­innar verið skráð. Þetta segir Hjör­dís Hákon­ar­dótt­ir, for­maður nefndar um dóm­ara­störf, í frétta­til­kynn­ingu. Hún seg­ist senda frétta­til­kynn­ing­una til að leið­rétta þann mis­skiln­ing sem virð­ist ríkja. 

„Frá árinu 2010 hafa öll erindi til nefnd­ar­inn­ar, hvort sem um er að ræða kvart­anir frá þeim sem telja að dóm­ari hafi brotið á þeim í starfi sínu, erindi frá dóm­urum vegna til­kynn­inga um auka­störf og eign­ar­hluti í félögum og atvinnu­fyr­ir­tækj­um, sem og bréf nefnd­ar­innar til dóm­ara þar sem kallað hefur verið eftir upp­lýs­ingum frá þeim verið skráð hjá nefnd­inni. Þar eru jafn­framt skráð svör nefnd­ar­innar við erindum og úrskurðir hennar í ein­stökum mál­um. Þá eru álit nefnd­ar­innar birt á vef dóm­stóla­ráðs dom­stol­ar.­is.“ 

Þetta segir í til­kynn­ing­unni frá Hjör­dísi. Jafn­framt segir hún að nefndin hafi unnið að skrán­ingu eldri erinda sem bár­ust fyrir árið 2010 „og er þeirri skrán­ingu að mestu lok­ið. Það er því ekki unnt að fall­ast á það að skrán­ingu mála sé nú ábóta­vant hjá nefnd­inn­i.“ 

Þá bendir Hjör­dís á að með nýjum lögum um dóm­stóla, sem eigi að taka gildi í byrjun árs­ins 2018, muni nefndin hafa aðstöðu hjá dóm­stóla­sýsl­unni sem tekur við af dóm­stóla­ráði. „Er því haf­inn und­ir­bún­ingur að aðlögun mála­skrár nefnd­ar­innar að mála­skrá dóm­stóla­sýsl­unn­ar.“ 

Nefndin hefur verið gagn­rýnd eftir frétta­flutn­ing af því að dóm­arar við Hæsta­rétt hafi átt hluta­bréf í Glitn­i.