„Keep dominating“...Úps!

Margt skemmtilegt gerðist á EM í sumar, þar sem Íslandsævintýrið var í kastljósinu á heimsvísu. Fátt gladdi fólk meira á Twitter en þegar Steve McLaren sýndi fáséð tilþrif við að greina snilld enska liðsins.

ísland em fótbolti fagnað england
Auglýsing

Þegar maður horfir á kapp­leiki nú orðið þá er ómissandi að hafa Twitter umræð­una í gangi með­fram henni. Þá sér maður hvernig fólk upp­lifir kapp­leik­ina og hvað það er sem vekur for­vitni þess.

Í einum sögu­leg­asta íþrótta­við­burði íslenskrar íþrótta­sögu, þegar Ísland og Eng­land mætt­ust í sextán liða úrslitum EM í fót­bolta í Frakk­landi í sum­ar, 27. júní, þá voru Eng­lend­ingar sig­ur­viss­ir, svo ekki sé meira sagt.

Í byrj­un­ar­liði þeirra voru margir leik­menn sem Eng­lend­ingar hafa metið mik­ils frá því að þeir byrj­uðu að spila með liðum sínum í ensku úrvals­deild­inni. Flestir voru þeir ekki búnir að spila sér­stak­lega vel á EM þegar kom að leiknum gegn Íslandi en samt litu flestir álits­gjafar enskra fjöl­miðla þannig á að leik­ur­inn við Ísland yrði auð­veld­ur. 

Auglýsing

Ekki byrj­aði það vel fyrir Ísland. Eftir nokk­urra mín­útna leik braut Hannes Þór Hall­dórs­son mark­vörður á hinum rán­dýra og eldsnögga Raheem Sterl­ing og víta­spyrna var rétti­lega dæmd. Helsta stjarna Eng­lands og fyr­ir­lið­inn sjálf­ur, Wayne Roo­ney, tók spyrn­una og skor­aði af örygg­i. 

Strax í næstu sókn fékk Ísland inn­kast. Hand­bolta­leik­stjórn­and­inn gamli Aron Einar Gunn­ars­son, fyr­ir­lið­inn frá­bæri, grýtti bolt­anum inn á teig­inn þar sem Kári Árna­son skall­aði bolt­ann fyrir fætur Ragn­ars Sig­urðs­sonar sem skor­aði af öryggi. 1-1.  Ragnar spil­aði betur á EM en Paul McGrath gerði með Írum á HM 1994 og er þá mikið sagt.

Hér voru send skýr skila­boð. Þið eruð ekki að fara valta yfir okk­ur, mátti lesa út úr lík­ams­tján­ingu leik­manna. Við Íslend­ingar höfðum auð­vitað trú á sigri okkar manna, ólíkt Eng­lend­ing­um. 

Eftir jöfn­un­ar­markið fór fljót­lega í gang skemmti­leg­asta lýs­ing fót­bolta­grein­anda í sög­unni, í það minnsta í huga okkar Íslend­inga. Steve McL­aren - af öllum mönnum - var í stúd­íó­inu hjá Sky Sports í að lýsa því sem fyrir augu bara. Sjálfur hefur hann mikla reynslu af því að standa sig illa sem lands­liðs­þjálf­ari Eng­lands. 





Hann var fullur sjálfs­traust eftir jöfn­un­ar­markið og sagð­ist áhyggju­laus. Nú þyrfti Eng­land að „halda áfram að sýna yfir­burði“ (keep dom­inat­ing) og yfir­spila Ísland. Skemmst er frá því að segja, að meðan hann var að fara í gegnum þetta þá byggði Ísland upp frá­bæra sókn. Títt­nefndur Aron Einar skipti bolt­anum frá vinstri til hægri, Birkir Már Sæv­ars­son kom honum á Jóhann Berg Guð­munds­son sem renndi honum á Gylfa Þór Sig­urðs­son, sem er betri en allir í enska lands­lið­inu í fót­bolta. Hann stýrði honum í fyrstu snert­ingu á Jón Daða Böðv­ars­son sem kom honum á Kol­bein Sig­þórs­son, inn í teig Eng­lands. Enska lands­liðið var ráð­þrota, í heild sinni.





Á þeim tíma­punkti var McL­aren ennþá í ham, að greina leik enska liðs­ins og ekki síst hvar mögu­lega gætu falist hættur hjá íslenska lið­inu. „Það er ein­ungis stóri strák­ur­inn frammi, Sig­urðs­son...­Sig­þórs­son…. Ohhhh…“ Þá dundi ógæfan yfir McL­aren, á sama tíma og kraftar alsælu voru leystir úr læð­ingi hjá Íslend­ingum nær og fjær. Kol­beinn skor­aði og kom Íslandi yfir 2-1. McL­aren hvítn­aði um leið og hann sleppti orð­inu „Sig­þórs­son“ og trúði vart sínum eigin aug­um. Hann var sér­stak­lega beð­inn um að halda áfram með grein­ingu sína til að full­komna nið­ur­læg­ing­una.

Þetta augna­blik fór eins og eldur í sinu um Twitter og Youtu­be. Nið­ur­læg­ing McL­aren og Eng­lands var algjör, og gleði okkar Íslend­inga auð­vitað ósvik­in. 

Svona getur nú fót­bolt­inn nú verið skemmti­leg­ur. Ísland vann og Harry Kane gat ekk­ert. Einn af hápunktum ævin­týr­is­ins í Frakk­landi.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Björn Leví Gunnarsson, þingmaður Pírata.
Björn Leví: Bann við tjáningu skaðlegra en tjáningin sjálf
Tveir þingmenn Pírata og Sjálfstæðisflokksins ræddu á þingi í dag hvort réttlætanlegt væri að gera það refsivert að afneita helförinni.
Kjarninn 27. janúar 2021
Arnheiður Jóhannsdóttir
Endurreisum ferðaþjónustuna með nýjum áherslum
Kjarninn 27. janúar 2021
Hækka veðhlutfall og lækka vexti
Gildi lífeyrissjóður hefur ákveðið að hækka veðhlutfall sjóðfélagalána og lækka breytilega vextir sjóðsins um 10 til 20 punkta í næstu viku.
Kjarninn 27. janúar 2021
Til ársins 2040 þarf líklega um 36 þúsund íbúðir í heild til að mæta metinni undirliggjandi íbúðaþörf landsins, að mati HMS.
Áform um 950 hlutdeildarlánaíbúðir á landsvísu þegar samþykkt
Fram kemur í nýrri skýrslu um stöðu húsnæðismarkaðarins að HMS hafi samþykkt áform um byggingu alls 950 hagkvæmra íbúða til þessa. 362 þessara íbúða verða á höfuðborgarsvæðinu.
Kjarninn 27. janúar 2021
Helgi Hrafn Gunnarsson er fyrsti flutningsmaður tillögunar.
Vilja banna veðsetningu kvóta og binda gjaldtöku fyrir afnot auðlinda í stjórnarskrá
17 stjórnarandstöðuþingmenn hafa lagt fram breytingartillögu við stjórnarskrárfrumvarp forsætisráðherra. Þeir vilja að auðlindaákvæðið verði í samræmi við breytingartillögu stjórnskipunar- og eftirlitsnefndar við frumvarp um nýja stjórnarskrá.
Kjarninn 27. janúar 2021
Sameiginlega sýnin um þéttara borgarsvæði er að teiknast upp
Í nýrri þróunaráætlun höfuðborgarsvæðisins 2020-2024 er gert ráð fyrir að 66 prósent nýrra íbúða sem klárast á tímabilinu verði árið 2040 í grennd við hágæða almenningssamgöngur, þar af 86 prósent nýrra íbúða í Kópavogi.
Kjarninn 27. janúar 2021
Sumarhús gengu kaupum og sölum fyrir tæpa 10 milljarða á Íslandi í fyrra.
Íslendingar keyptu sumarhús fyrir næstum 10 milljarða árið 2020
Metár var á markaði með sumarhús í fyrra. Viðskipti hafa aldrei verið fleiri og aldrei hefur jafn miklu fé verið varið til kaupanna, samkvæmt tölum frá Þjóðskrá. Svipað var uppi á teningnum í Noregi, á þessu ári veiru og vaxtalækkana.
Kjarninn 27. janúar 2021
Íslandsbanki gerir ráð fyrir viðspyrnu um leið og ferðamönnum fjölgar aftur hér á landi
Meira atvinnuleysi og minni fjárfestingar en áður var talið
Íslandsbanki telur nú að atvinnuleysi muni vera 9,4 prósent í ár, sem er töluvert meira en hann gerði ráð fyrir í fyrrahaust. Einnig telur bankinn að fjárfesting hins opinbera í kjölfar kreppunnar muni ekki aukast jafnmikið og áður var talið.
Kjarninn 27. janúar 2021
Meira úr sama flokkiInnlent
None