„Við erum að fylgj­ast grannt með gangi mála og það er ljóst að áhrifin á okk­ur, sam­keppn­is­að­ila okkar og vita­skuld fleiri geira, geta orðið mik­il,“ segir Sveinn Sölva­son, fjár­mála­stjóri Öss­urar, um hug­mynd­irnar sem Sean Spice, fjöl­miðla­full­trúi Hvíta húss­ins, kynnti í gær um að Banda­ríkin ætl­uðu að setja á 20 pró­sent skatt á allar vörur sem fram­leiddar væru í Mexíkó og kæmu inn á banda­rískan mark­að. 

Eins og greint var frá í morgun á vef Kjarn­ans, þá er 20 pró­sent skatt­ur­inn nú sagður ein leið af mörgum sem banda­rísk stjórn­völd eru að skoða til afla fjár, sem síðan verður notað til að reisa vegg á landa­mærum Mexíkó og Banda­ríkj­anna. Stjórn­völd í Mexíkó hafa sagt að þau muni ekki greiða fyrir vegg­inn og að sér­tækur skattur sem þessi muni ekki lenda á neinum öðrum en neyt­endum í Banda­ríkj­unum þegar upp er staðið í formi hærra vöru­verðs. 

Össur er með fram­leiðslu á sínum vegum í Tiju­ana í Mexíkó og flytur meðal ann­ars vörur sem fram­leiddar eru þar inn á Banda­ríkja­mark­að. Það er þó aðeins hluti af starf­sem­inni á heims­vísu, en hann hefur farið vax­andi þar á und­an­förnum árum.

Sveinn segir að sam­keppn­is­að­ilar Öss­urar séu einnig að fram­leiða vörur í Mexíkó og að því leyti sé lík­legt að breyt­ingar á reglu­verki eða við­skipta­samn­ingum milli þjóð­anna muni hafa svipuð áhrif á alla keppi­nauta. Erfitt sé þó að segja þar sem ekk­ert liggi fyrir ennþá hvað muni ger­ast.

Össur er eitt stærsta fyr­ir­tæki lands­ins en mark­aðsvirði þess er nú 172 millj­arðar króna. Það er í meiri­hluta­eigu danskra hlut­hafa, en hjartað í starf­sem­inni er engu að síður á Íslandi og hefur alltaf ver­ið. Fyr­ir­tækið hefur oft verið nefnt eitt af flagg­skipum íslenskrar nýsköp­unar og eitt fárra fyr­ir­tækja sem náð hefur rót­festu á alþjóða­mark­aði með ein­stakri tækni sinni og hönn­un. 

Eigið fé félags­ins er nú um 460 millj­ónir Banda­ríkja­dala, eða sem nemur um 55 millj­örðum króna.

Miklir hags­munir eru í húfi fyrir Mexíkó en Banda­ríkin er lang­sam­lega mik­il­væg­asta mark­aðs­svæði lands­ins þegar kemur að útflutn­ingi. Á ári eru vörur fluttar frá Mexíkó til Banda­ríkj­anna fyrir meira en 300 millj­arða Banda­ríkja­dala, og gæti sér­tæk skatt­lagn­ing upp á 20 pró­sent stór­skaðað hag­kerfi Mexíkó þar sem búa 122 millj­ónir manna.