Kæri nemandi, má bjóða þér félagslega einangrun eða farsótt?

Foreldrar víða um Bandaríkin hafa stofnað skólahópa og örskóla og ráðið kennara til að kenna börnum í litlum hópum. Þannig fái þau góða kennslu og félagslega örvun en séu í minni smithættu. En þessi þróun gæti skapað ný vandamál og ýtt undir mismunun.

Skólabörn í Bandaríkjunum fá fæst að ganga inn í skólabyggingar í haust heldur verður kennslan á netinu. Foreldrum líst ekki á blikun og þeir sem hafa efni á huga nú að því að ráða kennara og taka börn sín úr skólunum en koma þeim þess í stað í skólahópa.
Skólabörn í Bandaríkjunum fá fæst að ganga inn í skólabyggingar í haust heldur verður kennslan á netinu. Foreldrum líst ekki á blikun og þeir sem hafa efni á huga nú að því að ráða kennara og taka börn sín úr skólunum en koma þeim þess í stað í skólahópa.
Auglýsing

Þegar skóla­stjóri einn í San Francisco frétti af því að for­eldrar nem­enda hefðu reynt að bjóða vin­sælum kenn­urum skól­ans störf við sína eigin örskóla ákvað hún að sam­hliða fjar­kennslu verði nem­endum boðið að hitt­ast í litlum hópum utandyra, þrátt fyrir að yfir­völd í rík­inu boði að kennt skuli gegnum netið en skól­arnir sjálfir ekki opn­að­ir. Þetta gerir hún til að reyna að hindra brott­fall úr skól­an­um.

Aukin útbreiðsla kór­ónu­veirunnar í Banda­ríkj­unum hefur gert það að verkum að skóla­yf­ir­völd í grunn- og gagn­fræða­skólum í mörgum ríkjum hafa tekið ákvörðun um að kennsla í haust fari alfarið fram gegnum net­ið, í það minnsta fyrri hluta ann­ar­innar en sums staðar verða skólar ekki opn­aðir fyrr en um ára­mót í fyrsta lagi. Ekki er þó alveg ljóst hvernig opnun skól­anna verður hátt­að, hvernig verður kennt, hve margir mega vera í stofu eða hvort fjár­veit­ingar fást til að ráða fleiri kenn­ara til að hægt sé að kenna færri nem­endum í einu og halda uppi smit­vörn­um. Mikil óvissa ríkir og for­eldrar kann­anir hafa sýnt að margir for­eldrar eru smeykir við að senda börn sín í skóla meðan kór­ónu­veiru­far­aldur er enn í gangi. En þeim finnst heldur ekk­ert spenn­andi að þau fái ekki að læra nema í gegnum net­ið. 

Nýjar leiðir í kennslu að frum­kvæði for­eldra

Öll þessi ringul­reið hefur orðið til þess að for­eldrar leit­ast við að finna nýjar leiðir til að styðja við nám barna sinna utan skóla­kerf­is­ins. Svo­kall­aðir skóla­hópar (e. School pods) og örskólar (e. Microschools) hafa sprottið upp í mörgum ríkjum á síð­ustu vik­um. Hug­myndin að baki þeim er að kenna börnum heima í stað þess að senda þau í fjar­kennsl­una sem rík­is­skól­arnir bjóða upp á. Þró­unin er nokkuð hröð og áhug­inn virð­ist mik­ill, ótal hópar hafa verið stofn­aðir á sam­fé­lags­miðlum þar sem for­eldrar reyna að finna lausnir í sam­ein­ingu og ná saman um stofnun smærri hópa eða lít­illa for­eldra­rek­inna skóla. Nokkur fyr­ir­tæki hafa líka orðið til á skömmum tíma sem hafa þróað nokk­urs konar leit­ar­vélar til að hjálpa for­eldrum við að koma börnum sínum í réttan hóp og bjóða einnig upp á hug­búnað sem aðstoðar við skóla­hald­ið. 

Auglýsing

Ótti við ein­angrun og lélega kennslu

Það sem rekur for­eldra í Banda­ríkj­unum af stað í þessa vinnu eru áhyggjur af því að börn þeirra ein­angr­ist um of, fái ekki nægi­lega félags­lega örvun og læri ekki sam­skipti  á sama hátt og ef þau færu í skóla í raun­heim­um, þegar þeim er kennt svo lengi gegnum fjar­kennslu. Þá snúa áhyggj­urnar einnig að gæðum kennslu gegnum fjar­funda­búnað dag eftir dag.

Ólíkt heima­kennslu (e. Home school­ing) þá er hug­myndin með skóla­hóp­unum og örskólum að samnýta kennslu­krafta, þannig að til dæmis geti eitt for­eldri fjórum til átta börnum í einu í sama skóla­hópnum eða ráð­inn verði einka­kenn­ari til að kenna hópn­um. Þannig verði til litlir örskólar inni í hverfum sem börnin gangi í í stað þess að fara í sinn gamla skóla aftur í haust. For­eldrar deila svo kostn­aði við það að koma upp aðstöðu, greiða laun kenn­ara ef sú þjón­usta er keypt, kaupa náms­gögn og fleira. 

Skóla­stjór­inn í San Francisco sem minnst var á í upp­hafi grein­ar­innar taldi að for­eldrar hefðu nokkuð til síns máls og vill því skipu­leggja skóla­hópa á vegum skól­ans frekar en að þeir verði til hjá for­eldr­um. Þannig sé hægt að sinna félags­lega þætt­inum sam­hliða fjar­kennsl­unni og börnin ein­angr­ist síð­ur. Rooftop-­skól­inn ætlar því að bjóða upp á slíka hópa í þeirri von að for­eldrar ákveði að halda börnum sínum í skóla í stað þess að koma þeim í skóla­hóp eða örskóla. Skóla­stjór­inn, Nancy Bui, er nefni­lega sann­færð um að það verði aðeins börn þeirra vel stæðu sem hafi kost á því að kom­ast í slíka hópa, brott­hvarf úr skól­anum yrði því til að minnka fjöl­breytn­ina, og það vill hún ekki. Þá vill hún vit­an­lega ekki missa góða kenn­ara, og greip því til sinna ráða þegar for­eldrar reyndu að bjóða kenn­urum ný störf við einka­kennslu í örskóla. For­eldr­arnir höfðu meira að segja leigt íbúð til að nota undir kennsl­una.

Ekki skóli fyrir alla

Skóli er meira en bygging: hann er fólk, samskipti og dýnamík sem erfitt er að tengjast um tölvu.

Fræði­menn í mennta­vís­indum hafa svip­aðar áhyggjur og benda á að líkur séu til þess að svona hópar verði aðeins fyrir þá sem vel standa fyr­ir, bæði fjár­hags­lega og félags­lega. 

Börn sem nú þegar eru jað­ar­sett af ein­hverjum ástæðum eða eiga erfitt upp­dráttar í skóla eru ekki talin lík­leg til að eiga gott aðgengi að skóla­hópum eða vera vel tekið í örskóla sem for­eldrar stýra. Þetta eru til dæmis börn með hegð­un­ar­vanda­mál, fatl­anir eða námsörð­ug­leika, líkt og bent er á í grein New York Times um mál­ið. 

Þá er talin hætta á að hópar verði eins­leitir þegar horft er til stöðu í sam­fé­lag­inu. Í grein Bloomberg er bent á að t.d. í fínni hverfum í San Francisco sé verð fyrir það að vera með barn í skóla­hóp eða örskóla á bil­inu 1.200 dalir upp í 2.500 dali eða sem nemur 160.000 til 340.000 krónum á mán­uði. Það gefur auga leið að börn sem koma frá tekju­litlum heim­ilum geta ekki tekið þátt. Sums staðar mun þó kostn­aður vera lægri, þó ekki mikið lægri en sem nemur um 80 þús­und krónum á mán­uð­i. 

Flótti úr rík­is­skólum gæti skapað fjár­hags­vanda

Á bak við þau fyr­ir­tæki sem bjóða þjón­ustu fyrir skóla­hópana og örskól­ana eru gjarnan for­eldr­ar, sem sjálfir hafa verið að vand­ræð­ast með hvað eigi að gera í skóla­málum barna sinna. Áhyggjur for­eldr­anna eru skilj­an­legar og margir telja sig standa frammi fyrir von­lausum val­kost­um. Eng­inn vill að barnið sitt ein­angr­ist félags­lega, það gæti haft slæm áhrif á það fyrir lífs­tíð. En þó svo að skól­arnir opni þegar líður á önn­ina, þá spyrja for­eldrar sig líka: vil ég senda barnið mitt í skól­ann, er það öruggur staður útfrá sótt­vörn­um? Klemma for­eldra hefur því leitt þá að þess­ari lausn, að kenna börnum í smærri hóp­um. En þeir sem reka þessar skóla­hópa­leit­ar­vélar vilja gjarnan vinna með skóla­yf­ir­völd­um, frekar en að flótti verði úr skóla­kerf­inu. Óvíst er þó nákvæm­lega með hvaða hætti það verð­ur, en mögu­lega er hægt að finna lausnir í sam­ein­ing­u. 

Til mik­ils er að vinna fyrir skól­ana að hafa hraðar hendur og forða því að börn flykk­ist úr skól­un­um. Í mörgum ríkjum fylgir fjár­magn hverju barni og því minnka fram­lög til þeirra skóla sem fækkar í. 

Bent hefur verið á að nær væri að auka fram­lög til skól­anna svo þeir geti ráðið fleiri kenn­ara og jafn­vel bætt við sig hús­næði til að geta boðið kennslu í smærri hóp­um. Þannig verði hægt að gæta ítr­ustu var­úðar með smit­varnir en börnin fái þá félags­legu örvun sem þau þurfa án þess að for­eldrar þurfi að ótt­ast smit meira en í smærri kennslu­hóp utan skóla.



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Höfuðstöðvar Ríkisútvarpsins í Efstaleiti.
Félag fréttamanna gagnrýnir myndband Samherja harðlega
Stjórn Félags fréttamanna, stéttarfélag fréttafólks á Ríkisútvarpinu, segir ómaklega veist að Helga Seljan fréttamanni í myndbandi sem Samherji birti í dag. Áhyggjuefni sé að reynt sé að gera fréttamann tortryggilegan í stað þess að svara spurningum.
Kjarninn 11. ágúst 2020
Víðir Reynisson á upplýsingafundi almannavarna í dag.
Víðir: Getum ekki sest í hægindastólinn og slakað á
Þrátt fyrir að útlit sé fyrir að árangur sé að nást af hertum sóttvarnaaðgerðum innanlands og tilslakanir séu framundan er ekki kominn til að hætta að huga að smitvörnum. Sá tími kemur ekki á meðan að veiran er til staðar, segir Víðir Reynisson.
Kjarninn 11. ágúst 2020
Þórólfur Guðnason sóttvarnalæknir á fundinum í dag.
Þórólfur segir útlit fyrir að við séum að ná tökum á stöðunni
Sóttvarnalæknir segir að lítill fjöldi nýsmita allra síðustu daga bendi til þess að faraldurinn hér innanlands sé að verða viðráðanlegur. Hann lagði til tilslakanir innanlands og reifaði valkosti um aðgerðir á landamærum í minnisblaði til ráðherra.
Kjarninn 11. ágúst 2020
Helgi Seljan var borin þungum sökum í myndbandi Samherja
RÚV og Helgi Seljan hafna ásökunum Samherja
„Ný viðmið í árásum stórfyrirtækis á fjölmiðla og einstaka fréttamenn,“ segir í yfirlýsingu frá Helga Seljan og Þóru Arnórsdóttur sem þau sendu frá sér vegna myndbands Samherja. Myndbandið var birt á YouTube rás Samherja fyrr í dag.
Kjarninn 11. ágúst 2020
Logi Einarsson
Vöndum okkur
Kjarninn 11. ágúst 2020
Lögreglan hefur barið á mótmælendum í helstu borgum Hvíta-Rússlands frá því að úrslit kosninganna lágu fyrir síðla á sunnudag. Myndin er tekin í Minsk í gær.
Síðasti einræðisherra Evrópu heldur velli en mótstaðan eykst
Hinn þaulsetni Alexander Lúkasjenkó var endurkjörinn forseti Hvíta-Rússlands á sunnudag. Fæstir leggja trú á niðurstöður kosninganna og hefur þeim verið ákaft mótmælt. Mótframbjóðandi hans er búin að flýja landið.
Kjarninn 11. ágúst 2020
Ekkert nýtt innanlandssmit – einn sjúklingur enn á gjörgæslu
Ekkert nýtt innanlandssmit af kórónuveirunni greindist hér á landi í gær samkvæmt þeim tölum sem birtar hafa verið á covid.is. Þrjú virk smit greindust við landamærin. 114 manns eru með COVID-19 og í einangrun og tveir liggja á sjúkrahúsi.
Kjarninn 11. ágúst 2020
Ásættanlegur fórnarkostnaður við frekari opnun landamæra sem var aldrei metinn
Þann 12. maí var kynnt ákvörðun um að draga úr takmörkunum á landamærum Íslands um miðjan júní. Til grundvallar þeirra ákvörðun, sem fól í sér að fleiri ferðamönnum var hleypt inn í landið, lá mat á hagrænum áhrifum þess á ferðaþjónustu.
Kjarninn 11. ágúst 2020
Meira úr sama flokkiErlent