„Sér­­­fræð­ing­ar á flug­­­mark­aði, sem ekki vilja koma fram und­ir nafni, segja að margt bendi til að al­var­­leg mis­­tök hafi verið gerð þegar Icelanda­ir festi kaup á sex­tán nýj­um 737MAX vél­um frá Boeing en gengið var frá kaup­un­um árið 2013.“



Þetta kemur fram í Morg­un­blað­inu í dag, þar sem gengi Icelandair Group er til umfjöll­un­ar. Gengi bréfa félags­ins hefur lækkað mik­ið, ekki síst eftir að upp­færð rekstr­ar­spá félags­ins fyrir árið 2017 var birt þar sem fram kom að árið í ár verða að lík­indum tölu­vert lak­ara en það síð­asta. 

Í Morg­un­blað­inu í segir að frá ára­­mót­um hafi eign­­ar­hlut­ur þeirra 11 líf­eyr­is­­sjóða sem mest eiga í Icelanda­ir rýrnað um nærri 22 millj­­arða króna en sjóð­irn­ir eiga meira en helm­ing alls hluta­fjár í fé­lag­inu. Líf­eyr­is­sjóður verzl­un­ar­manna er stærsti ein­staki eig­and­inn í félag­inu með tæp­lega 14,7 pró­sent hlut. Hann var að mestu keyptur á geng­inu 2,5 en gengi bréf­anna er nú tæp­lega 15 eftir mikla lækkun upp á síðkast­ið.

Fyrr­nefndar vélagar eiga að leysa af hólmi Boeing 757 vél­ar sem fé­lagið hef­ur haft í þjón­­ustu sinni um langt ára­bil. Í umfjöllun Morg­un­blaðs­ins segir að aðstæður á mark­aði hafi breyst og vél­­arn­ar henti ekki næg­i­­lega vel inn í mik­il­væg­asta leiða­kerfi fé­lags­ins. Það muni að öllum lík­indum reyn­­ast fé­lag­inu kostn­að­ar­samt að vinda ofan af við­skipt­un­um sem nema á annað hund­rað millj­­örðum króna, þegar allt er talið.