Konur eru 39 pró­sent for­stöðu­manna hjá stofn­unum rík­is­ins. Hlut­fallið hefur hækkað úr 37 pró­sentum í fyrra og 29 pró­sentum árið 2009. Þetta kemur fram í frétta­bréfi stjórn­enda rík­is­stofn­ana, sem kom út í vik­unn­i. 

For­stöðu­menn hjá rík­inu voru 154 í jan­úar á þessu ári, og hafði fækkað um tvo á einu ári. Það skýrist af því að Haf­rann­sókna- og Veiði­mála­stofnun sam­ein­uð­ust í eina stofnun og Lög­reglu­skóli rík­is­ins var lagður nið­ur. Körlum fækk­aði um fjóra og konum fjölg­aði um tvær. 

Konur eru nú sam­tals 60 tals­ins meðal 154 for­stöðu­manna hjá rík­inu. Allar stofn­anir rík­is­ins eru með­taldar í kynja­bók­hald­inu, að und­an­skildum stofn­unum utan fram­kvæmda­valds­ins, Alþingi, stofn­unum þess og dóm­stól­u­m. 

For­stöðu­mönnum hefur fækkað úr 207 árið 2009 í 154 á þessu ári. 

Þegar kynja­hlut­föllin eru skoðuð eftir ráðu­neytum sést að jöfn­ust eru þau undir for­sæt­is­ráðu­neyt­inu og mennta- og menn­ing­ar­mála­ráðu­neyt­inu. Í for­sæt­is­ráðu­neyt­inu er hlut­fall kvenna sem for­stöðu­manna 50% og í mennta­mála­ráðu­neyt­inu 48%. Í vel­ferð­ar­ráðu­neyt­inu er hlut­fallið 41%. 

Í inn­an­rík­is­ráðu­neyt­inu er hlut­fall kvenna 39%, í atvinnu­vega­ráðu­neyt­inu og umhverf­is- og auð­linda­ráðu­neyt­inu 27% og hjá fjár­mála­ráðu­neyt­inu 23%. Í utan­rík­is­ráðu­neyt­inu er hlut­fall kvenna 0%, en eini for­stöðu­mað­ur­inn undir því ráðu­neyti er ráðu­neyt­is­stjór­inn, sem er karl.