Hagn­aður Lands­virkj­unar í fyrra nama 66 millj­ónum Banda­ríkja­dala, eða sem nemur um sjö millj­örðum króna miðað við núver­andi gengi (Banda­ríkja­dalur = 106 ISK). Ávöxtun eigin fjár Lands­virkj­unar var því 3,3 pró­sent í fyrra, sem telst fremur lágt í alþjóð­legum sam­an­burði sam­bæri­legra fyr­ir­tækja.

Árið 2015 var hagn­aður fyr­ir­tæk­is­ins 84,2 millj­ónir Banda­ríkja­dala eða tæpir 9 millj­arð­ar, og er því lækkun á hagn­aði milli ára. 

Eigið fé Lands­virkj­unar nam í árs­lók tæp­lega 2 millj­örðum Banda­ríkja­dala, eða sem nemur 212 millj­örðum króna. 

Sé mið tekið af því, að verð­mið­inn á fyr­ir­tæk­inu sé um tvö­fal til þrefalt eigið fé fyr­ir­tæk­is­ins, þá er verð­mið­inn á bil­inu 424 til 636 millj­arðar króna, miðað við núver­andi geng­i. 

Hand­bært fé frá rekstri nam 229,8 millj­ónum Banda­ríkja­dala, eða sem nemur 24,2 millj­örðum króna. Þetta er 7,7 pró­sent lækkun frá 2015.

Hörður Arn­ar­son, for­stjóri Lands­virkj­un­ar, segir í frétta­til­kynn­ingu vegna upp­gjörs­ins að rekstr­ar­nið­ur­staðan sé ásætt­an­leg, þrátt fyrir að hún sé lak­ari en árið á und­an. „Ytri aðstæður voru ekki hag­felldar á árinu 2016. Álverð var áfram lágt, þótt það hafi farið hækk­andi á seinni hluta árs­ins. Enn eru tekjur okkar að nokkru leyti bundnar við álverð. Þá minnk­aði selt magn milli ára þvert á áætl­an­ir, vegna rekstr­ar­vanda við­skipta­vina. Þrátt fyrir þetta héld­ust tekjur nærri óbreyttar milli ára. Sterkt sjóð­streymi gerði meira en að standa undir fram­kvæmdum við nýja vatns­afls­virkjun Búr­fell II og jarð­varma­virkjun við Þeista­reyki. Það er ánægju­legt að geta unnið að þess­ari upp­bygg­ingu og hækka ekki skuld­ir, heldur þvert á móti lækka þær. Lækkun skulda á und­an­förnum árum er að skila sér í auknum mæli í rekstri fyr­ir­tæk­is­ins en það sést á veru­legri lækkun vaxta­gjalda milli ára. Láns­hæf­is­ein­kunn Lands­virkj­unar hækk­aði um einn flokk í jan­úar 2017 og hefur fyr­ir­tækið hækkað um þrjá flokka á síð­ustu árum. Fyr­ir­tækið er í fjár­fest­ing­ar­flokki án rík­is­á­byrgðar og nálg­ast nú sam­bæri­leg fyr­ir­tæki í nágranna­lönd­unum að þessu leyt­i,“ segir Hörð­ur.

Á und­an­förnum mán­uðum hefur álver hækkað nokk­uð, og horfur því tölu­vert betri á álmörk­uð­um. Með­al­verð á tonn er nú um 1.900 Banda­ríkja­dalir en það var um 1.600 Banda­ríkja­dalir á síð­asta ári, að með­al­tali.