Fjár­mála­eft­ir­litið (FME) hefur engar upp­lýs­ingar birt um það hverjir eru enda­eig­endur vog­un­ar­sjóð­anna Taconic Capi­tal og Och-Ziff Capi­tal sem sækja nú fast að eign­ast beint 20 til 25 pró­sent hlut í Arion banka á móti sam­bæri­legri eign íslenskra líf­eyr­is­sjóða. 

Eins og rakið var í ítar­legri frétta­skýr­ingu Kjarn­ans um fyr­ir­hug­aða sölu á eign­ar­hlutum í Arion banka þá er von­ast til þess innan Kaup­þings, sem á 87 pró­sent hlut í Arion banka, að hægt verði að ljúka söl­unni í apríl eða maí. 

Ríkið á 13 pró­sent eign­ar­hlut í bank­an­um.

Kjarn­inn sendi fyr­ir­spurn til FME, 23. febr­ú­ar, þar sem spurt var hverjir væru enda­eig­endur fyrr­nefndra sjóða og hvort FME hefði metið hvort þeir væru æski­leg­ir. 

Engin svör hafa borist, og ekki hefur eft­ir­litið heldur birt upp­lýs­ingar er varðar þessi atriði. Sam­kvæmt lögum hefur eft­ir­litið þetta hlut­verk, og hefur það komið þeim upp­lýs­ingum áleið­is, að vog­un­ar­sjóð­irnir geti talist hæfir eig­endur. 

Mat Fjár­mála­eft­ir­lits­ins á hæfi virks eig­anda fjár­mála­fyr­ir­tækja grund­vall­ast á ýmsum þáttum sem skil­greindir eru í lögum um fjár­mála­fyr­ir­tæki. Á meðal þeirra atriða sem til­greind eru í lög­unum og þurfa að vera í lagi eru orð­spor aðil­ans, reynsla hans, fjár­hags­legt heil­brigði, hvort ætla megi að eign­ar­haldið tor­veldi eft­ir­lit og hvort ætla megi að það leiði til pen­inga­þvættis eða fjár­mögn­unar hryðju­verka. Auk þess kemur til sér­stakrar skoð­unar hvort vafi leiki á því hver sé raun­veru­legur eig­andi virks eign­ar­hlut­ar.