Norska sam­keppn­is­eft­ir­litið hefur stöðvað kaup Eim­skips á norska flutn­inga­fyr­ir­tæk­inu Nor Lines. Sam­kvæmt ákvörðun sam­keppn­is­eft­ir­lits­ins hefðu kaupin haft veru­leg hamlandi áhrif á sam­keppni í flutn­ingi á frystum fiski með frysti­tog­urum frá Norð­ur­-Nor­egi til Norð­ur­-­Evr­ópu. 

Eim­skip og Nor Lines eru sam­keppn­is­að­ilar og eru tvö stærstu fyr­ir­tækin á þessum mark­aði. Sam­an­lagt hafa fyr­ir­tækin stóran hluta mark­að­ar­ins, en nú þegar séu fáir sam­keppn­is­að­ilar á mark­aðn­um. Mat norska sam­keppn­is­eft­ir­lits­ins var það að Eim­skip myndi geta hækkað verð eða minnkað gæða­kröfur ef sam­ein­ingin ætti sér stað. 

Í til­kynn­ingu sem Eim­skip sendi til Kaup­hallar í morgun kemur fram að félagið muni leita ann­arra leiða til að þróa og efla starf­semi sína í Nor­egi. „Þessi nið­ur­staða er félag­inu mikil von­brigði þar sem norsk sam­keppn­is­yf­ir­völd horfðu mjög þröngt á mark­að­inn og telja Eim­skip vera mark­aðs­leið­andi í flutn­ingum á frystum fiski í Norður Nor­egi. Ég tel að sam­keppn­is­yf­ir­völd hafi gert mis­tök með þess­ari þröng­sýnu ákvörðun sinn­i,“ segir Gylfi Sig­fús­son, for­stjóri Eim­skips, í til­kynn­ing­unni til Kaup­hall­ar. 

Til­kynnt var um fyr­ir­huguð kaup Eim­skips á Nor Lines í nóv­em­ber síð­ast­liðn­um.