Vantar um 700 milljónir inn í Pressuna

Endurskipulagning Pressusamstæðunnar er í uppnámi eftir að fjárhagsstaða hennar reyndist mun verri en upphaflega var áætlað. Stefnt er að því að halda starfseminni áfram en hluti þeirra sem kynntir voru sem hluthafar vilja draga sig út.

Einn þeirra miðla sem tilheyrir Pressusamstæðunni er hið rótgróna blað DV.
Einn þeirra miðla sem tilheyrir Pressusamstæðunni er hið rótgróna blað DV.
Auglýsing

Við­mæl­endur Kjarn­ans sem koma að kaupum nýrra hlut­hafa á Press­unni og tengdum fjöl­miðlum segja að þær 300 millj­ónir króna sem til­kynnt hefur verið um að setja ætti inn í sam­stæð­una dugi ekki til. Gatið sem þurfi að brúa til að gera hana rekstr­ar­hæfa sé nálægt 700 millj­ónum króna að þeirra mati.

Innan Pressu­sam­stæð­unnar eru tæp­lega 30 miðlar sem birta efni á vef, á dag­blaða- og tíma­rita­formi og í sjón­varpi. Þeirra þekkt­astir eru DV, DV.is, Eyj­an, Pressan, sjón­varps­stöðin ÍNN og tíma­ritin Vikan, Gest­gjaf­inn, Nýtt líf og Hús og híbýli.

Enn er vilji hjá að minnsta kosti hluta þeirra aðila sem ætl­uðu að setja fé inn í rekst­ur­inn til að fjár­festa í sam­stæð­unni og þegar hafa verið lán­aðir umtals­verðir fjár­munir inn til að gera upp opin­ber gjöld og líf­eyr­is­sjóðs­skuldir sem voru í van­skil­um, sam­kvæmt upp­lýs­ingum Kjarn­ans.

Eftir að vænt­an­legum hlut­höfum var hleypt að sam­stæð­unni komu hins vegar í ljós allskyns kröfur sem ekki hafði verið greint frá í aðdrag­anda ætl­aðar hluta­fjár­aukn­ingar auk þess sem rekstr­ar­for­sendur hluta þeirra miðla sem heyra undir Press­una hafi verið mun verri en sagt hafi ver­ið. Einn við­mæl­and­inn sagði að það stæði „ekki steinn yfir steini“ í rekstri Pressunnar og annar sagð­ist halda að hluta­fjár­lof­orð yrðu ein­fald­lega dregin til baka í ljós mun verri stöðu sam­stæð­unnar en kynnt hefði ver­ið.

Það er til marks um slæma stöðu fyr­ir­tæk­is­ins að þeir stjórn­ar­menn sem til­kynnt var um að setj­ast ættu í stjórn Pressunnar fyrir tæpum mán­uði síðan hafa enn ekki gert það form­lega. Þeir vilji ekki bera neina laga­lega ábyrgð á sam­stæð­unni eins og hún er í dag.

Ný stjórn ekki tekin við

Til­kynnt var um það 18. apríl að hlutafé útgáfu­fé­lags­ins Pressunnar yrði aukið um 300 millj­ónir króna. Sam­hliða átti Björn Ingi Hrafns­son, stofn­andi Pressunnar og sá sem leitt hefur yfir­tökur hennar á öðrum miðlum und­an­farin ár, að stíga til hlið­ar.

Auglýsing

Hann hefur verið bæði stjórn­ar­for­maður og útgef­andi Pressu­sam­stæð­unnar fram að þessu auk þess sem hann stýrir sjón­varps­þætt­inum Eyj­unni, sem var um nokk­urra ára skeið á Stöð 2 en er nú sýndur á ÍNN. Björn Ingi átti að láta af öllum stjórn­un­ar­störfum fyrir Press­una sam­hliða hluta­fjár­aukn­ing­unni. Hann átti þó áfram stýra sjón­varps­þætt­in­um, en yrði hvorki í stjórn né koma að rit­stjórn miðla sam­stæð­unnar leng­ur.

Ný stjórn var kosin á hlut­hafa­fundi þennan sama dag, 18. apr­íl. Sam­kvæmt til­kynn­ingu yrði Gunn­laugur Árna­son stjórn­ar­for­mað­ur. Aðrir sem setj­­­ast áttu í stjórn eru Þor­varður Gunn­­ar­s­­son, fyrrum for­­stjóri Deloitte á Íslandi, Sess­elja Vil­hjálms­dóttir fram­­kvæmda­­stjóri hug­­bún­­að­­ar­­fyr­ir­tæk­is­ins Tag­Play og Hall­­dór Krist­­manns­­son yfir­­­maður Sam­­skipta- og mark­aðs­sviðs lyfja­­fyr­ir­tæk­is­ins Alvogen. Ekk­ert þeirra hefur sest form­lega í stjórn enn sem komið er.

Félag sem er í eigu Hall­­dórs, Róberts Wessman, Árna Harð­­ar­­son­­ar, Hilm­­­ars Þórs Krist­ins­­sonar og Jóhanns G. Jóhanns­­son­­ar, Fjár­­­fest­inga­­fé­lagið Dal­­ur­inn ehf., ætl­aði að verða stærsti eig­andi Pressunnar og koma inn með 155 millj­­ónir króna.

Björn Ingi Hrafns­­son og við­­skipta­­fé­lagi hans, Arnar Ægis­­son, tóku líka þátt í hluta­fjár­­aukn­ing­unni og sam­­kvæmt til­­kynn­ing­unni átti félag í þeirra eigu að leggja fram 50 millj­­ónir króna. Þeir áttu að eiga 14-16 pró­sent hlut. Félag Hreins Lofts­­son­­ar, Karls Stein­­ars Ósk­­ar­s­­sonar og Matt­h­í­asar Björns­­sonar átti svo líka að eign­ast hlut í Press­unni, en þeir áttu áður Birt­ing. Karl Steinar átti enn fremur að verða fram­­kvæmda­­stjóri félags­­ins og Matt­h­­ías Björns­­son fjár­­­mála­­stjóri þess.

Þarf mun meira en upp var látið

Fljót­lega eftir að þessi til­kynn­ing var send út kom í ljós að staða Pressu­sam­stæð­unnar var verri en kynnt hafði verið fyrir vænt­an­legum hlut­höf­um. Við­mæl­endur Kjarn­ans segja að nýjar kröfur hafi komið í ljós nán­ast dag­lega frá þeim tíma­punkti og mikil óráðsía sé í rekstri sam­stæð­unn­ar. Nýjasta mat geri ráð fyrir að það þurfi að setja nær 700 millj­ónum króna í rekst­ur­inn til að halda honum á floti, en ekki um 300 millj­ónir króna líkt og kynnt var.

Vænt­an­legir hlut­hafar hafa þegar lánað fjár­muni inn í Press­una til að gera upp opin­berar skuldir en ekki er búið að greiða allt það hlutafé sem kynnt var í frétta­til­kynn­ing­unni 18. apr­íl. Allskyns varnaglar hafi verið settir inn í sam­komu­lagið um hluta­fjár­aukn­ing­una og segja við­mæl­endur Kjarn­ans að þeir varnaglar hafi að mestu verið brotnir nú þegar skýr­ari mynd af stöðu rekst­urs­ins blasi við. Enn sé þó vilji til þess að halda sam­stæð­unni gang­andi og unnið er að því að end­ur­skipu­leggja rekst­ur­inn með það að mark­miði. Alls óljóst, og raunar ólík­legt, er hvort allir hlut­haf­arnir sem til­kynnt var um að tækju þátt muni gera það.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þriðjungsfjölgun í Siðmennt á rúmu einu og hálfu ári
Af trúfélögum bætti Stofnun múslima á Íslandi við sig hlutfallslega flestum meðlimum á síðustu mánuðum. Meðlimum þjóðkirkjunnar heldur áfram að fækka en hlutfallslega var mesta fækkunin hjá Zúistum.
Kjarninn 11. júlí 2020
Aldís Hafsteinsdóttir, formaður Sambands íslenskra sveitarfélaga og bæjarstjóri Hveragerðis.
„Við þurfum fleiri ferðamenn“
Formaður Sambands íslenskra sveitarfélaga telur nauðsynlegt að fleiri ferðamenn komi til Íslands sem fyrst og vill breytingar á fyrirkomulagi skimana á Keflavíkurflugvelli.
Kjarninn 11. júlí 2020
Gunnar Hólmsteinn Ársælsson
Frekju og yfirgangi Ísraels engin takmörk sett
Kjarninn 11. júlí 2020
Sjávarútvegurinn hefur bætt við sig störfum á meðan hart hefur verið í ári hjá ferðaþjónustunni.
Ferðaþjónustan skreppur saman en sjávarútvegurinn er í sókn
Rúmlega helmingi færri störfuðu í ferðaþjónustu á síðasta ársfjórðungi miðað við árið á undan. Störfum í sjávarútvegi hefur hins vegar fjölgað um helming.
Kjarninn 11. júlí 2020
„Þegar dætrum mínum var ógnað, náðu þeir mér“
Þegar Guðrún Jónsdóttir gekk inn í Kvennaathvarfið árið 1988 til að taka sína fyrstu vakt mætti henni kasólétt kona með glóðarauga. Hún hafði gengið inn í heim sem hafði fram til þessa verið henni gjörsamlega hulinn. „Ég grét í heilan sólarhring.“
Kjarninn 11. júlí 2020
Eldishús með Aviary Pro 10 varpkerfi frá Hellmann sambærilegt kerfum sem verða í notkun að Vallá.
Stjörnuegg vill fjölga fuglum í allt að 95 þúsund að Vallá
Fyrirtækið Stjörnuegg hf. áformar breytingar á eldishúsum sínum að Vallá á Kjalarnesi sem yrðu til þess að hægt væri að koma þar fyrir 95 þúsund fuglum í stað 50 þúsund nú. Slíkum fjölda fylgja um 3.500 tonn af hænsnaskít á ári.
Kjarninn 11. júlí 2020
Kristján Þór Júlíusson, sjávarútvegs- og landbúnaðarráðherra.
Kvótaþak óbreytt í tillögum – sem og hvað aðilar þurfi að eiga hvor í öðrum til að teljast tengdir
Lokaskýrsla verkefnastjórnar um bætt eftirlit með fiskveiðiauðlindinni hefur litið dagsins ljós og hefur hún verið afhent Kristjáni Þór Júlíussyni, sjávarútvegsráðherra. Einn stjórnarmeðlimur setur sérstakan fyrirvara við skýrsluna.
Kjarninn 10. júlí 2020
Pottersen
Pottersen
Pottersen – 39. þáttur: Naumlega sloppið!
Kjarninn 10. júlí 2020
Meira úr sama flokkiInnlent