Sölu­ferli Kaup­þings á Arion banka er í upp­námi þar sem vog­un­ar­sjóð­ur­inn Och-Ziff Capi­tal Mana­gement Group, sem til­kynnt var um í mar­s ­síð­ast­liðn­um, að keypt hefði 6,6% hlut í Arion banka af Kaup­þingi, hef­ur ekki lagt fram beiðni til Fjár­mála­eft­ir­lits­ins um að fá heim­ild til að fara með virkan eign­ar­hlut í bank­an­um. 

Frá þessu er greint í Morg­un­blað­inu í dag.

Och-Ziff er einn stærsti eig­and­i ­Kaup­þings, en að und­an­förnu hefur staða sjóðs­ins versnað veru­lega og láns­hæf­is­ein­kunn færð í rusl­flokk, auk þess sem fjár­festar hafa tekið fé frá sjóðnum í stórum stíl, eins og Kjarn­inn greindi frá í byrjun mán­að­ar­ins.

„Heim­ildir Morg­un­blaðs­ins herma að það sé komið til vegna þess að fyr­ir­tæk­ið telji alþjóð­lega orð­spors­á­hættu fel­ast í því ef Fjár­mála­eft­ir­lit­ið hafnar beiðn­inni. Och-Ziff er ­skráð á markað í kaup­höll­inni í New York og er eitt stærsta fyr­ir­tæki heims á sviði sér­hæfðrar eigna­stýr­ing­ar. ­Fyr­ir­tækið hefur hins veg­ar átt erfitt upp­dráttar á síð­ustu miss­erum, ­meðal ann­ars í tengslum við gríð­ar­háar sekt­ar­greiðslur sem fyr­ir­tæk­ið var dæmt til að greiða vegna mútu­hneykslis sem teygir sig til­ fimm Afr­íku­ríkja. Banda­ríska dóms­mála­ráðu­neytið sektaði fyr­ir­tækið um 213 millj­ónir Banda­ríkja­dala,“ segir í frétt Morg­un­blaðs­ins.

Mun fyr­ir­tækið hafa fengið óform­leg skila­boð frá íslenskum eft­ir­lits­að­il­u­m um að hætta væri á að það yrði ekki metið hæft til að fara með­ ­virkan eign­ar­hlut í Arion banka, að því er fram kemur í Morg­un­blað­inu.

Aðrir eig­endur Arion banka eru Kaup­skil ehf., félag í eigu Kaup­­þings, sem á 57,9 pró­­sent hlut, íslenska ríkið 13 pró­­sent, vog­un­­ar­­sjóður í eigu Taconic Capi­­tal Advis­ors 9,9 pró­­sent, Attestor Capi­­tal LLP 9,9 pró­­sent og Gold­man Sachs 2,6 pró­­sent.