May myndar ríkisstjórn með Norður-Írum

Theresa May fer til fundar við drottninguna í dag til þess að óska eftir umboði til að mynda ríkisstjórn byggða á þingmeirihluta með samsteypu íhaldsflokksins og norður-írskra sambandssinna.

Ritstjórn Kjarnans 9. júní 2017

Theresa May er forsætisráðherra Bretlands. Kosningarnar áttu að styrkja stöðu Íhaldsflokksins en hafa veikt stöðu flokksins á þingi.

Theresa May, leiðtogi Íhaldsmanna í Bretlandi, hefur náð samkomulagi við norður-írska sambandsflokkinn um ríkisstjórnarsamstarf.

Íhaldsflokkurinn náði ekki meirihluta á þinginu í kosningunum haldnar voru í Bretlandi í gær og þurfa þess vegna að mynda minnihlutastjórn eða samsteypustjórn.

Frá þessu er greint á vef breska dagblaðsins The Guardian.

Theresa May er sögð hafa óskað eftir fundi með Elísabetu drottningu í dag þar sem hún mun óska eftir umboði til þess að mynda nýja ríkisstjórn íhaldsflokksins með stuðningi lýðræðislega sambandsflokksins í Norður-Írlandi. May, forsætisráðherra í meirihlutastjórn Íhaldsmanna fyrir kosningarnar, mun þess vegna leiða minnihlutastjórn eftir kosningarnar.

Þegar kunngjört hefur verið um 649 af 650 sætum í breska þinginu þá hefur Íhaldsflokkurinn 318 sæti (326 sæti þarf til að mynda hreinan meirihluta), Verkamamannaflokkurinn 261 sæti. Sambandsflokkur Norður-Írlands hefur 10 sæti.

Samtal um samstarfið hófst, samkvæmt heimildum The Guardian, seint í nótt. „Við viljum að það sé ríkisstjórn. Við höfum unnið vel með May. Hinn kosturinn er óþolandi,“ er haft eftir heimildarmanni innan írska sambandsflokksins.

Samstarf Íhaldsmanna og sambandssinna í Norður-Írlandi mun setja samningaviðræður um útgöngu Breta úr Evrópusambandinu í annað ljós. Sambandssinnar hafa gert þá kröfu að Norður-Írland fái ekki „sérstaka stöðu“ innan Bretlands eftir að hafa sagt skilið við ESB.

Samsbandssinnar hafa áhyggjur af því að ef Norður-Írland fái „sérstaka stöðu“ innan Bretlands eftir Brexit þá muni það á endanum kljúfa Norður-Írland enn frekar frá Bretlandi. Sinn Féin, þjóðarflokkur Norður-Írlands, hefur gert það að sínu helsta umfjöllunarefni að Norður-Írar fái sérstaka stöðu innan breska sambandsins eftir Brexit.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 329 Færslan var síðast uppfærð: 9. júní 2017, kl. 15:15
Færslan birtist fyrst: 9. júní 2017, kl. 9:43

9. júní 2017

Uppfært kl.10:11 með upplýsingum um minnihutastjórn. Íhaldsmenn og lýðræðislegi sambandsflokkurinn munu ekki mynda samsteypustjórn heldur minnihlustastjórn íhaldsmanna með stuðningi Norður-Íra.