Mik­ill vöxtur er nú í bygg­ing­ar­iðn­aði enda framundan umfangs­mikil upp­bygg­ing íbúða, hót­ela og atvinnu­hús­næðis á höf­uð­borg­ar­svæð­inu á næstu árum.

Störfum í bygg­ing­ar­iðn­aði hér á landi mun fjölga um nokkur þús­und á næstu árum, gangi spár eft­ir. Karl Sig­urðs­son, sér­fræð­ingur hjá Vinnu­mála­stofn­un, segir í sam­tali við Morg­un­blaðið í dag að nauð­syn­legt sé að leita til útlanda eftir starfs­fólki í bygg­ing­ar­iðn­aði til að mæta eft­ir­spurn­inni sem framundan er. Einnig bendir hann á að skortur sé á iðn­mennt­uðu fólki af ýmsu tagi og að aug­ljós­lega verði mikla vinnu að hafa fyrir verka­menn á næstu miss­er­um.

Árni Jóhanns­son, sviðs­stjóri mann­virkja­sviðs hjá Sam­tökum iðn­að­ar­ins, segir í sam­tali við Morg­un­blaðið að áætlað sé að tæp­lega tólf þús­und manns starfi í bygg­ing­ar­iðn­aði og að raun­hæft sé að þeim muni fjölga um allt að þrjú þús­und á næstu árum, gangi spár um vöxt í grein­inni eft­ir. 

Framundan er mik­ill upp­bygg­ing­ar­tími á höf­uð­borg­ar­svæð­inu þar sem mik­ill skortur er á íbúð­ar­hús­næði. Búist er við því að um níu þús­und íbúðir verði byggðar á næstu þremur árum til að mæta eft­ir­spurn, og stuðla að jafn­vægi á fast­eigna­mark­aði.

Á sama tíma er mikil eft­ir­spurn eftir hús­næði og hefur fast­eigna­verða rokið upp á síð­ustu árum. Hvergi í heim­inum hefur það hækkað hraðar en á Íslandi, en hækk­unin á síð­ustu tólf mán­uðum hefur verið rúm­lega tutt­ugu pró­sent að með­al­tali á höf­uð­borg­ar­svæð­inu.



Flestar spár gera ráð fyrir áfram­hald­andi hækkun fast­eigna­verðs.