Vig­dís Finn­boga­dóttir lýsti yfir stuðn­ingi sínum við til­lögu stjórn­laga­ráðs til nýrrar stjórn­ar­skrár í ávarpi á ráð­stefnu í Berkeley há­skóla þann 6. Júní. Hún sagði vilja íslenskra kjós­enda hafi komið skýrt fram í þjóð­ar­at­kvæða­greiðslu 2012 um að inn­leiða þessa stjórn­ar­skrá. 

Ráð­stefnan hét „A Con­gress on Iceland’s Democracy“ og var haldin af laga­deild Berkel­ey-há­skóla og stjórn­ar­skrár­fé­lagi Kalíforníu. Á mæl­enda­skrá voru meðal ann­ars Þór­hildur Þor­leifs­dóttir leik­stjóri og Silja Bára Ómars­dótt­ir aðjúnkt í stjórn­mála­fræði við HÍ. 

Í ræðu sinni sagði Vig­dís íslensku þjóð­ina meta lýð­ræði mik­ils. Alveg síðan Íslend­ingar hafi öðl­ast sjálf­stæði hafi þeir leit­ast við nútíma­legri stjórn­ar­skrá, skrif­aðri af þjóð­inni og fyrir þjóð­ina. 

Hún bætti við að und­ir­bún­ing­ur ­stjórn­ar­skrán­ing­ar­innar hafi verið ein­stakt ferli með stjórn­laga­ráði sem end­ur­spegl­aði mis­mun­andi raddir innan þjóð­fé­lags­ins. Einnig sagði hún að litið væri á þá stjórn­ar­skrá sem stjórn­laga­ráð lagði upp með sem þá opn­ustu og lýð­ræð­is­leg­ustu meðal allra lýð­velda og hún hafi vakið athygli víða um heim vegna þess. 

Undirbúningur stjórnarskráningarinnar væri ein­stakt ferli með stjórn­laga­ráði sem end­ur­spegl­aði mis­mun­andi raddir innan þjóð­fé­lags­ins.

„Þar að auki stað­festi þjóð­ar­at­kvæða­greiðsla að vilji íslenskra kjós­enda væri að inn­leiða þessa stjórn­ar­skrá. Þó hefur hún enn ekki verið inn­leidd. Að mínu mati hefur íslenska þjóðin beðið nógu leng­i.“

Vig­dís hefur áður lýst yfir stuðn­ingi við end­ur­skoðun stjórn­ar­skrár­inn­ar, en Vísir greindi frá því í nóv­em­ber 2009 að hún kall­aði eftir því að stjórn­laga­þingi yrði komið á fót á Ísland­i.