Í kjöl­far rift­unar á kaupum Pressunnar ehf. á hlutafé í Birtíngi útgáfu­fé­lagi ehf. hinn 10. maí sl. hefur Eign­ar­halds­fé­lagið Dal­ur­inn ehf. keypt allt hlutafé Birtíngs útgáfu­fé­lags ehf.

Þetta kemur fram í til­kynn­ingu. Pressan hugð­ist kaupa Birt­ing en við­skipt­unum var rift sökum afleitrar fjár­hags­stöðu Pressunn­ar, eins og greint var frá á vef Kjarn­ans 17. maí síð­ast­lið­inn.

Birtíngur gefur út Gest­gjafann, Hús og híbýli, Vik­una og Nýtt líf.  Eig­endur Dals­ins eru Árni Harð­­­­­ar­­­­­son, Hall­­­­­dór Krist­­­manns­­­son­­, Hilm­­­­­­­­ar Þór Krist­ins­­­­­son, Jóhann G. Jóhanns­­­­­son­­­­ og Róbert Wessm­an. 

Hver hlut­hafi á 20% hlut í félag­inu. Selj­endur Birtíngs eru SMD ehf. (í eigu Hreins Lofts­son­ar), Prospectus ehf. (í eigu Matth­í­asar Björns­son­ar) og Karl Steinar Ósk­ars­son. Hreinn hefur verið stjórn­ar­for­maður og aðal­eig­andi Birtíngs síð­ast­liðin átta ár, Matth­ías fjár­mála­stjóri frá sama tíma og Karl Steinar fram­kvæmda­stjóri í fimm ár. Þeir Karl Steinar og Matth­ías halda áfram störfum sínum hjá félag­inu. Kaup­verðið er trún­að­ar­mál, að því er fram kemur í til­kynn­ingu.

Hreinn Lofts­son segir að þetta séu veru­lega góð tíð­indi ekki aðeins fyrir fyrri hlut­hafa heldur einnig fyrir starfs­fólk, við­skipta­vini og lán­ar­drottna fyr­ir­tæk­is­ins. „Nýir eig­endur hafa lagt félag­inu til tals­verða fjár­muni til nið­ur­greiðslu skulda og þar með lýkur þeirri fjár­hags­legu end­ur­skipu­lagn­ingu sem staðið hefur yfir und­an­farin miss­eri. Ég vil nota tæki­færið og óska nýjum eig­endum og starfs­fólki vel­farn­aðar og þakka um leið starfs­fólk­inu, við­skipta­vinum og sam­starfs­að­ilum fyrir gott sam­starf á liðnum árum.“

Gunn­laugur Árna­son mun taka sæti stjórn­ar­for­manns í Birtíngi og leiða stefnu­mótun fyr­ir­tæk­is­ins fyrir hönd hlut­hafa. Hann hefur víð­tæka reynslu af fjöl­miðl­un, bæði hér á landi og erlend­is. Gunn­laugur er eig­andi bresku fjöl­miðla­fyr­ir­tækj­anna M2 Comm­un­ications og M2 Bes­poke. Hann vann um fimm ára skeið sem blaða­maður hjá Reuter­s-frétta­stof­unni í Lund­únum og var rit­stjóri Við­skipta­blaðs­ins á árunum 2005-2007. „Innan Birtíngs eru rót­gróin vöru­merki og nú þegar fjár­hags­legri end­ur­skipu­lagn­ingu er lokið getur félagið nýtt þann góða grunn til frek­ari vaxtar á fjöl­miðla­mark­að­i,“ segir Gunn­laug­ur.