Tæpur helmingur erlendra eigna í Lífeyrissjóði Verslunarmanna í áhættusömum sjóðum

Helmingur erlendra eigna Lífeyrissjóðs verslunarmanna er bundinn í hlutabréfasjóðum sem teljast frekar eða mjög áhættusamir.

Jónas Atli Gunnarsson 26. júní 2017

Áhættusamar erlendar fjárfestingar ná 12% af heildareignum

Flestir erlendu hlutabréfasjóðir sem Lífeyrissjóður Verslunarmanna hefur fjárfest í teljast frekar eða mjög áhættusamar meðal fjárfesta. Almannatengslafulltrúi Lífeyrissjóðsins segir sjóðina valda út frá áratuga reynslu

Í síðasta ársreikningi Lífeyrissjóðs Verslunarmanna kemur fram að milljörðum hafi verið veitt í fjárfestingum erlendis, þar af 71 milljarður í hlutabréfasjóði. Hlutabréfasjóðirnir skiluðu margir hverjir yfir 4% ávöxtun, en eru flestir taldir frekar eða mjög áhættusamir samkvæmt lýsingu sjóðanna.

Hjá sjóðunum er gjarnan gefið út svokallað áhættu-ávöxtunarstig (SRRI) á gefnu bili þar sem lágt stig þýðir litla áhættu og minni líkur á ávöxtun, en hátt stig þýðir mikla áhættu og hærri vænta ávöxtun. Mælikvarðinn er fundinn út frá flökti fjárfestingarinnar á síðustu fimm árum.

Hér að neðan eru hlutabréfasjóðirnir sem Lífeyrissjóður verslunarmanna hefur fjárfest í erlendis og koma fram á ársreikningi lífeyrissjóðsins. Áhættu-ávöxtunarstig hvers sjóðs er ýmist á bilinu 1-5 eða 1-7. Fundnar voru upplýsingar um alla sjóði að einum undanskildum. Hlutabréfasjóðirnir eru allir taldir frekar eða mjög áhættusamir með háu áhættu-ávöxtunarstigi. Áhættustigið er í sviga fyrir aftan nafn hvers sjóðs:

Vanguard Global Stock (4 af 5)
Meridian – Global Concentrated (5 af 7)
Meridian – Global Equtity Fund (5 af 7)
State Street North American Fund (5 af 7)
GS N11 (5 af 7)
AB FCP I (fannst ekki)
Atlantis China Fund (Flokkað sem High-risk)
Morgan Stanley Asian Fund (6 af 7)
Coupland Cardiff Japan Fund (6 af 7)
JP Morgan Korea Equity (6 af 7)
JP Morgan Taiwan Fund (7 af 7)
LFP China Value (6 af 7)

Eignir í hlutabréfasjóðunum samsvarar um 45% af erlendum eignum og 12% af heildareignum Lífeyrissjóðs verslunarmanna. Á heimasíðu sinni segir að lífeyrissjóðurinn forðist áhættu hverju sinni ef hún er ekki nauðsynleg til að ná markmiðum um ávöxtun.

Þórhallur B. Jósepsson, almannatengslafulltrúi lífeyrissjóðsins, segir allar þær erlendu fjárfestingar sem lífeyrissjóðurinn hefur farið í fela í sér minni áhættu þar sem þær hafa allar dreift eignasafn og eru valdar með hliðsjón af reynslu undanfarinna áratuga.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 429 Færslan var síðast uppfærð: 29. júní 2017, kl. 13:16
Færslan birtist fyrst: 26. júní 2017, kl. 20:00

28. júní 2017

Gefið var áhættumat fyrir rangan hlutabréfasjóð hjá Morgan Stanley Asian Fund ,en það reyndist hærra en áður var talið. Einnig hefur framsetning á áhættu-ávöxtunarstigi verið breytt og mælikvarðinn útskýrður að beiðni Lífeyrissjóðs verslunarmanna.