Iða Brá Bene­dikts­dóttir hefur verið ráðin fram­kvæmda­stjóri við­skipta­banka­sviðs Arion banka og tekur við starf­inu 1. júlí. Hú hefur setið í fram­kvæmda­stjórn bank­ans frá febr­úar 2016 þegar hún tók við starfi fram­kvæmda­stjóra fjár­fest­ing­ar­banka­sviðs Arion banka. Iða Brá tekur við starf­inu af Helga Bjarna­syni sem nýverið sagði upp störfum hjá bank­anum til að ger­ast for­stjóri VÍS. Freyr Þórð­ar­son, fram­kvæmda­stjóri fyr­ir­tækja­sviðs Arion banka, mun sinna starfi fram­kvæmda­stjóra fjár­fest­ing­ar­banka­sviðs sam­hliða öðrum störfum fyrst um sinn.

Í til­kynn­ingu kemur fram að Iða Brá sé við­skipta­fræð­ingur frá Háskóla Íslands. Hún er með MSc í fjár­málum frá Erasmus Gradu­ate School of Business í Hollandi og með próf í verð­bréfa­við­skipt­um. Iða Brá hefur starfað hjá Arion banka og for­verum hans frá árinu 1999 þegar hún hóf störf í grein­ing­ar­deild bank­ans. Frá þeim tíma hefur hún gegnt ýmsum störfum innan bank­ans, m.a. verið for­stöðu­maður sam­skipta­sviðs, einka­banka­þjón­ustu og í fjár­stýr­ingu bank­ans. Iða hefur setið í stjórnum nokk­urra fyr­ir­tækja; Spari­sjóðs Ólafs­fjarð­ar, AFL spari­sjóðs, fast­eigna­fé­lags­ins Land­festa og HB Granda hf.

Kjarn­inn greindi frá því í lok apríl að Iða Brá hefði verið kjörin í stjórn Stoða, sem áður hét FL Group, á síð­asta aðal­fundi félags­ins.