Rúmlega 40 Porsche bílar verða innkallaðir á Íslandi

Samkvæmt umboðsaðila Porsche verða um 40 Porsche Cayenne bílar innkallaðir vegna hugbúnaðargalla. Alls verða um 22.000 bílar innkallaðir um alla Evrópu.

Jónas Atli Gunnarsson 28. júlí 2017

Þriggja lítra Porsche Cayenne dísilbílar verða innkallaðir.

Alexander Dobrindt, samgönguráðherra Þýskalands, tilkynnti í gær að innkalla ætti alla þriggja lítra Porsche Cayenne dísilbíla þar sem útblásturskerfi bílsins sé hugsanlega ólöglegt.

Umboðsaðili Porsche telur líklegt að þeir þurfi að innkalla 40 slíka bíla á Íslandi.

Í gær tilkynnti Porsche að óreglulegur vélarbúnaður hafi verið fundinn í innra mengurnareftirliti bílanna. Í kjölfar þess sagðist bílaframleiðandinn hafa samþykkt að innkalla alla bílanna sem gætu haft þennan vélarbúnað. Þetta kom fram á vef Reuters.

Samgönguráðherra Þýskalands, Alexander Dobrint, tilkynnti svo opinberlega að allir Porsche Cayenne dísibílar með þriggja lítra Euro 6 vél sem keyptir hafa verið í Evrópu skuli skilað tilbaka til viðeigandi umboðs. „Framleiðandinn mun að sjálfsögðu bera 100% kostnaðarins,“ bætti Dobrint við. „Það er engin útskýring af hverju hugbúnaðurinn er svona í þessum bíl.“

Framleiðandi bílanna, Porsche AG, er í eigu Volkswagen, en fyrirtækið gerðist sekt um ófullnægjandi hugbúnað fyrir tæpum tveimur árum síðan. Málið var Volkswagen kostnaðarsamt, en talið er að fyrirtækið hafi tapað að jafnvirði 500 milljarða króna af því.

Samkvæmt Dobrint eru um 7.500 bílar af þessari tegund skráðir í Þýskalandi og 22.000 í Evrópu allri. Ekki er hins vegar vitað hversu margir af þessum bílum séu enn í bílasölum.

Í samtali við Kjarnann sagði starfsmaður Bílabúðar Benna, umboðsaðila Porsche á Íslandi, að um það bil 40 Porsche Cayenne dísílbílar með þriggja lítra Euro 6 vél hafi verið seldir af þeim. Hins vegar sé ekki vitað hvort allir þeirra séu með umræddan hugbúnaðargalla þar sem vöntun sé á frekari upplýsingum. Starfsmaður umboðsins bætir við að líklegt sé að fleiri bílar verði innkallaðir hér á landi þar sem margir kjósi að kaupa bíl erlendis frá og flytja hann inn sjálfir.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 354 Færslan var síðast uppfærð: 28. júlí 2017, kl. 9:05
Færslan birtist fyrst: 28. júlí 2017, kl. 9:01