Stjórn Kadeco mun ekki taka afstöðu í máli fyrrverandi framkvæmdastjóra

Ekki mun reyna á afstöðu stjórnar Kadeco gagnvart svörum fyrrverandi framkvæmdastjóra félagsins vegna viðskipta hans á Ásbrú þar sem hann hefur þegar sagt upp starfi sínu.

Kjartan Þór Eiríksson.
Kjartan Þór Eiríksson.
Auglýsing

Kjartan Þór Eiríks­son, sem nýverið sagði starfi sínu sem fram­kvæmda­stjóri Kadeco lausu, hefur skilað stjórn félags­ins skrif­legum svörum vegna við­skipta sinna á Ásbrú og tengslum sínum við kaup­endur eigna sem Kadeco hefur selt á síð­­­­­ustu árum á svæð­inu. Stjórn Kadeco hefur hvorki sent fjár­mála- og efna­hags­ráðu­neyt­inu svörin né hefur ráðu­neytið óskað eftir að fá þau send. Þar sem Kjartan Þór hefur þegar sagt starfi sínu lausu mun ekki reyna á afstöðu stjórnar Kadeco til svara hans við spurn­ingum stjórn­ar­inn­ar. Þetta kemur fram í svari fjár­mála- og efna­hags­ráðu­neyt­is­ins, sem fer með eign­ar­hald rík­is­ins í Kadeco, við fyr­ir­spurn Kjarn­ans um mál­ið.

Þar segir  enn fremur að ráðu­neytið fari fyrst og fremst með stefnu­mark­andi ákvarð­anir um rekstur Kadeco en skipti sér ekki af rekstr­inum frá degi til dags.

Í við­skipta­sam­bandi við við­skipta­vin Kadeco

Kadeco, sem er þró­un­ar­fé­lag Kefla­vík­ur­flug­vall­ar, sendi frá sér til­kynn­ingu 1. ágúst síð­ast­lið­inn þar sem fram kom að Kjartan Þór, sem hafði gegnt starfi fram­kvæmda­stjóra frá stofnun félags­­ins árið 2006, hefði sagt starfi sínu lausu. Hann lét sam­­stundis að störf­­um.

Auglýsing

Kjart­ani Þór var gert að gera munn­­legar skýr­ingar á við­­­skiptum sínum á Ásbrú og tengslum sínum við kaup­endur eigna sem Kadeco hefur selt á síð­­­­­ustu árum á svæð­inu á stjórn­­­­­ar­fundi sem fram fór í lok júní. Stjórn félags­­­ins ákvað í kjöl­farið að óska eftir því að Kjartan Þór geri stjórn­­­inni skrif­­­lega grein fyrir við­­­skiptum sínum á svæð­inu. Kjarn­inn hefur óskað eftir upp­­lýs­ingum frá fjár­­­mála- og efna­hags­ráðu­­neyt­inu um hvort það hafi verið gert en ekki fengið svör við þeirri fyr­ir­­spurn.

Málið snýst um tengsl Kjart­ans Þórs við Sverri Sverr­is­­son. Félög tengd Sverri keyptu þrjár fast­­­eignir af Kadeco á und­an­­­förnum árum á sam­tals 150 millj­­­ónir króna. Síð­­­asta eignin sem félög tengd honum keyptu var seld í febr­­­úar á þessu ári, nokkrum mán­uðum eftir að Kjart­an Þór og Sverrir hófu við­­­skipta­­­sam­­­band. Þeir eiga saman félagið Air­port City á Ásbrú sem stundar fast­­­eigna­við­­­skipti, þó ekki við Kadeco.

Lagt niður í núver­andi mynd

Kjarn­inn greindi frá því í lok júní að til standi að leggja starf­­­semi Kadeco niður í núver­andi mynd. Skipt var um stjórn í félag­inu fyrir um mán­uði síðan og upp­­­runa­­­legu hlut­verki þess, að selja fast­­­eignir á Ásbrú, er nú lok­ið.  vilji taka upp við­ræður við heima­­­menn um hvernig sé hægt end­­­ur­­­skoða starf­­­sem­ina með það í huga.

Bene­dikt Jóhann­es­­son, fjár­­­mála- og efna­hags­ráð­herra, sagði við Kjarn­ann að hann hafi lýst þess­­­ari skoðun sinni á fundum með starfs­­­fólki Kadeco í lok jún­í­mán­að­­ar. Nokkrum dögum áður var hald­inn aðal­­­fundur Kadeco og þar var kosin ný þriggja manna stjórn. Sig­­­urður Kári Krist­jáns­­­son, lög­­­­­maður og fyrr­ver­andi þing­­­maður Sjálf­­­stæð­is­­­flokks, hafði verið for­­­maður stjórn­­­­­ar­innar en vék ásamt tveimur öðrum stjórn­­­­­ar­­­mönn­­­um.  Í stað Sig­­­urðar Kára var Georg Brynjar­s­­­son, hag­fræð­ingur og stjórn­­­­­ar­­­maður í Við­reisn, kjör­inn stjórn­­­­­ar­­­for­­­mað­­­ur. Auk hans komu tveir starfs­­­menn fjár­­­­­mála- og efna­hags­ráðu­­­neyt­is­ins inn í stjórn Kadeco. Bene­dikt stað­­­festi við Kjarn­ann að þessar breyt­ingar væru liður í því að leggja starf­­­semi Kadeco niður í núver­andi mynd.

Í svari ráðu­neyt­is­ins við fyr­ir­spurn Kjarn­ans kemur fram að nýskipuð stjórn Kadeco hafi verið falið að fara yfir verk­efna­stöðu félags­ins og gera til­lögur um hvernig þeim verk­efnum sem það hefur verði best fyrir komið í fram­tíð­inni.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Fasteignamarkaðurinn að taka aftur við sér
Fasteignaverð tók kipp í októbermánuði og hækkaði vísitala markaðarins um 0,5 prósent frá því mánuðinn á undan.
Kjarninn 19. nóvember 2019
Þjóðskrá afhendir upplýsingar um meðlimi í trú- og lífsskoðunarfélögum
Úrskurðarnefnd um upplýsingamál mat það svo að netföng væru ekki viðkæmar persónuupplýsingar.
Kjarninn 19. nóvember 2019
Heiðrún Lind Marteinsdóttir, framkvæmdastjóri SFS.
SFS segjast gera kröfu til sjávarútvegsins um að starfa heiðarlega og löglega
Samtök fyrirtækja í sjávarútvegi segjast vilja vera fyrirmynd og í fremstu röð í heiminum þegar kemur að sjávarútvegi. Þau ætla að styðja stjórnvöld í aðgerðum sínum sem eru tilkomnar vegna Samherjamálsins.
Kjarninn 19. nóvember 2019
Kristbjörn Árnason
Enn einu sinni springur kapítalisminn í loft upp á græðginni og siðleysinu
Leslistinn 19. nóvember 2019
Árni M. Mathiesen, fyrrverandi sjávarútvegsráðherra.
Fyrrverandi ráðherra á meðal stjórnenda stofnunar sem gerir úttekt á útgerðum
Árni Mathiesen, fyrrverandi sjávarútvegsráðherra, er aðstoðarframkvæmdastjóri fiskveiðisviðs stofnunarinnar sem Kristján Þór Júlíusson, sjávarútvegsráðherra, hefur falið að gera úttekt á viðskiptaháttum útgerða í þróunarlöndum.
Kjarninn 19. nóvember 2019
Kristján Þór Júlíusson, sjávarútvegsráðherra.
FAO vinni úttekt á viðskiptaháttum útgerða í þróunarlöndum
Kristján Þór Júlíusson, sjávarútvegsráðherra mun hafa frumkvæði að því Alþjóðamatvælastofnunin vinni úttekt á viðskiptaháttum útgerða sem stunda veiðar og eiga í viðskiptum með aflaheimildir í þróunarlöndum.
Kjarninn 19. nóvember 2019
Björgólfur úr stjórn Sjóvá „vegna anna“
Björgólfur Jóhannsson hefur ákveðið að víkja tímabundið úr stjórn Sjóvá. Hann var stjórnarformaður félagsins. Björgólfur tók nýverið við forstjórastöðunni hjá Samherja.
Kjarninn 19. nóvember 2019
Julian Assange
Rannsókn gegn Assange felld niður
Samkvæmt WikiLeaks hefur rannsókn á hendur Julian Assange verið felld niður. Ritstjóri miðilsins, Kristinn Hrafnsson, segir að um réttarfarsskandal sé að ræða.
Kjarninn 19. nóvember 2019
Meira úr sama flokkiInnlent