Um 23 pró­sent Íslend­inga eru ánægðir með fjöl­miðla á Íslandi. Það er örlítið stærri hópur en seg­ist vera óánægður með íslenska fjöl­miðla; Sá hópur mæld­ist 20 pró­sent. 10 pró­sent segja það mjög mis­mun­andi eftir því hvaða fjöl­miðla er spurt um.

Þetta kemur fram í nýrri könnun Mask­ínu sem send var fjöl­miðlum í dag. Könn­unin var gerð dag­ana 12. til 17. júlí síð­ast­lið­inn. Svar­endur voru 1.596 tals­ins.

Lang flestir sem svör­uðu spurn­ing­unni: „Al­mennt séð ertu ánægð(­ur) eða óánægð(­ur) með fjöl­miðla á Ísland­i?“ höfðu ekki sterka skoð­un, 47 pró­sent svör­uðu „í með­al­lag­i“.

Ánægja með íslenska fjöl­miðla

Ánægjan

Ekki er mik­ill munur á svörum fólks um ánægju til fjöl­miðla þegar þau eru borin saman við stjórn­mála­skoð­an­ir. Fylg­is­menn Pírata og Fram­sókn­ar­flokks­ins draga með­al­talið þó nið­ur. 13,3 pró­sent þeirra sem myndu kjósa Pírata ef kosið væri í dag voru ánægð með fjöl­miðla og 17,7 pró­sent þeirra sem ætla að kjósa Fram­sókn­ar­flokk­inn.

Skipt­ing svar­enda eftir stjórn­mála­af­stöðu

Þeir svar­endur sem hyggj­ast kjósa Sam­fylk­ing­una, Bjarta fram­tíð, Við­reisn eða Vinstri græna eru ánægð­astir með fjöl­miðla á Íslandi.

Óánægja með fjöl­miðl­ana er mest meðal þeirra sem hyggj­ast kjósa Pírata eða 31,4 pró­sent. Fjórð­ungur kjós­enda Sjálf­stæð­is­flokks­ins er óánægður með fjöl­miðla, og fimmt­ungur kjós­enda Bjartrar fram­tíðar og Sam­fylk­ing­ar­innar eru óánægð­ir.

Fjöl­miðlar háðir hags­muna­að­ilum

47 pró­sent svar­enda sagð­ist finn­ast íslenskir fjöl­miðlar vera háðir hags­muna­að­il­um. 12 pró­sent telja fjöl­miðl­ana vera óháða og 17 pró­sent segja það mjög mis­mun­andi eftir fjöl­miðlum hvort þeir séu óháðir eða háð­ir. Mik­ill meiri­hluti svar­enda í könnun Mask­ínu segir það hins vegar skipta miklu máli að fjöl­miðlar séu óháð­ir, eða 87 pró­sent þeirra sem tóku afstöðu til spurn­ing­ar­inn­ar.

Hags­munir fjöl­miðla

Kjós­endur Við­reisnar og Fram­sókn­ar­flokks­ins eru frekar á þeirri skoðun að íslenskir fjöl­miðlar séu óháðir hags­muna­öflum en kjós­endur ann­ara flokka. Um það bil helm­ingur kjós­enda allra flokka telja fjöl­miðl­ana vera háða hags­muna­að­il­um. Kjós­endur Við­reisn­ar, Sjálf­stæð­is­flokks­ins og Fram­sókn­ar­flokks­ins skera sig svo úr þegar kemur að fjölda þeirra sem segja það mis­mun­andi eftir fjöl­miðlum hvort þeir séu háðir eða óháðir hags­muna­að­il­um.

Skipt­ing svar­enda eftir stjórn­mála­af­stöðu

Rík­is­út­varpið á að vera áfram rík­is­rekið

Spurt var um afstöðu svar­enda til einka­væð­ingar Rík­is­út­varps­ins. 66,6 pró­sent Íslend­inga eru and­vígir því að Rík­is­út­varpið verði einka­vætt. Ein­ungis 16,1 pró­sent segj­ast vera því hlynnt og 17,3 segj­ast ekki hafa sterka skoðun á því.

Á að einka­væða Rík­is­út­varp­ið?

Afstaða fólks til einka­væð­ingar RÚV skipt­ist nokkuð skýrt eftir stjórn­mála­skoð­un­um. Kjós­endur Sjálf­stæð­is­flokks­ins og Við­reisnar eru frekar hlynnt einka­væð­ingu en kjós­endur ann­ara flokka. Kjós­endur Sam­fylk­ing­ar­innar og Vinstri grænna eru hins vegar frekar and­víg einka­væð­ingu en kjós­endur ann­ara flokka.

Skipt­ing svar­enda eftir stjórn­mála­af­stöðu