Hjör­leifur Gutt­orms­son, fyrr­ver­andi alþing­is­maður og ráð­herra Alþýðu­banda­lags­ins, segir að sjó­manna­mynd­ar­málið sýni mikla bresti hjá stjórn­endum Reykja­víkur og í stjórn­kerfi höf­uð­borg­ar­inn­ar. Almenn­ingi og þeim sem næstir eru vett­vangi blasi við, lög og sam­þykktir hafi verið brotið í þágu skemmt­ana­halds einka­að­ila og farið í felu­leik um máls­at­vik til að kom­ast hjá því að horfast í augu við eigin gjörn­ing. Hann segir frétta­stofu RÚV hafa látið mis­nota sig með því að taka við tölvu­póstum sem hann skrif­aði borg­ar­starfs­mönn­um, setja saman hræri­graut út þeim feng og birta á frétta­vef sín­um. Þessi send­ing hafi verið frá fólki í borg­ar­kerf­inu sem hafi greini­lega verið mikið í mun að „beina athygli frá eigin sam­þykktum og gjörðum og benda þess í stað á söku­dólg úti í bæ.“ Þetta kemur fram í aðsendri grein í Morg­un­blað­inu í dag.

­Málað var yfir mynd af sjó­manni á gafli Sjáv­ar­út­vegs­húss­ins í júlí síð­ast­liðn­um. Myndin var máluð á gafl­inn í tengslum við Iceland Airwa­ves hát­ið­ina 2015 og var hluti af alls tólf verkum sem máluð voru á hús af því til­efni. Engin virð­ist geta sagt hver hafi tekið ákvörðun um að málað yrði yfir verkið en RÚV birti í síð­ustu viku tölvu­póst­sam­skipti Hjör­leifs, sem býr í Skugga­hverf­inu í námunda við Sjáv­ar­út­vegs­hús­ið, við borg­ar­yf­ir­völd. Í tölvu­póst­unum kom fram að Hjör­leifur hefði óskað eftir því að verkið yrði fjar­lægt og bygg­inga­full­trúi Reykja­vík­ur­borgar sagði að það væri „mikið fyrir brjóstið á fyrr­ver­andi ráð­herra sem býr í nágrenn­in­u.“

Hjör­leifur segir í grein sinni í dag að myndin hafi sett sterkan svip á umhverfið við hlið Hörpu. Þegar borg­ar­stjórn hefði sam­þykkt ósk Iceland Airwa­ves um að mála mynd­ina á gafl­inn hefði hún ekki sett neinn skil­yrði um hversu lengi verkið mætti standa né gert fyr­ir­vara um grennd­ar­kynn­ingu.

Hann segir síðan að málið kunni að virð­ast létt­vægt og heldur ómerki­legt, en þegar betur sé að gáð sýni það mikla bresti hjá stjórn­endum og stjórn­kerfi Reykja­vík­ur­borg­ar. „Lít­ils­virð­ingin gagn­vart almenn­ingi og þeim sem næstir eru vett­vangi blasir hér við. Brotin eru lög og sam­þykktir í þágu skemmt­ana­halds einka­að­ila, Farið er í felu­leik um máls­at­vik til að kom­ast hjá því að horfast í augu við eigin gjörn­ing. Ekki ég, ekki ég...eru svörin sem fjöl­miðlar fá við eft­ir­grennslan og í þokka­bót er sáldrað út tölvu­póstum af sam­skiptum íbúa við stjórn­kerfi borg­ar­inn­ar. Hver er staða stjórn­enda Reykja­víkur gagn­vart þeim sem ástunda veggjakrot á eignir borg­ar­búa og stað­hæfa margir hverjir að þar sé um lista­verk að ræða? Reykja­vík er að verða útb­íuð af þess háttar skrauti, Umhverfi Reykja­víkur verð­skuldar önnur vinnu­brögð en þau sem end­ur­spegl­ast í þessu máli. - Höf­uð­stað­ur­inn þarf á jákvæðri sam­vinnu við íbú­ana að halda og trún­aði í sam­skipt­u­m.“

Hjörleifur gagn­rýnir fjöl­miðlaum­fjöllun um málið og segir að það snú­ist um mun meira en einn hús­gafl. Málið varði sam­skipti borg­ar­stjórnar við umbjóð­endur sína og vand­aða máls­með­ferð, ekki síst í skipu­lags­mál­um. „Hlutur frétta­stofu Rík­is­út­varps­ins er í þessu sam­hengi afar sér­stak­ur. Þar á bæ veita menn mót­töku tölvu­póstum úr borg­ar­kerf­inu frá fólki sem er greini­lega mikið í mun að beina athygli frá eigin sam­þykktum og gjörðum og benda þess í stað á söku­dólg úti í bæ. Settur er saman hræri­grautur úr þessum feng og birtur á frétta­vef RÚV. Mann tekur sárt að sjá „út­varp allra lands­manna“ láta mis­nota sig með þessum hætti. Alvar­legri eru þó þeir brestir sem end­ur­spegl­ast nú um stundir í stjórn­kerfi Reykja­víkur á mörgum sviðum og veggjakrot í kjöl­far handa­upp­rétt­inga í borg­ar­stjórn­inni er aðeins örlítið dæmi um.“

Hjör­leifur var Alþing­is­maður fyr­ir­ Al­þýðu­banda­lagið frá­ 1978 til 1999. Hann var iðn­að­ar­ráð­herra frá 1978 til 1979 og svo aftur 1980 til 1983. Hjör­leifur var einn stofn­enda Vinstri grænna en sagði sig úr flokknum í jan­úar 2013.