Sænska tón­list­ar­streym­is­fyr­ir­tækið Spotify hefur end­ur­samið um dreif­ing­ar­rétt á tón­list við Warner Music Group og verður fyr­ir­tækið nú sett á hluta­bréfa­mark­að.

Áður hafði Spotify gert samn­inga við Sony Music og Uni­versial Music Group. Því er Spotify áfram með samn­inga við þrjú stærstu útgáfu­fyr­ir­tæki tón­listar í heim­in­um.

Warner Music til­kynnti um samn­ing­inn á sam­fé­lags­miðlum fyr­ir­tæk­is­ins í dag. Í til­kynn­ing­unni segir Ole Ober­mann, yfir­maður staf­rænnar deildar Warner Music Group, að þetta sé tíma­móta­samn­ing­ur. „Með Spotify höfum við fundið nýstár­legar leiðir til þess að auka virði tón­listar á ný, skapa auknar tekjur fyrir lista­menn og skemmta áhan­gendum hljóm­list­ar­manna um allan heim.“

Stefan Bloom, efn­is­stjóri Spoti­fy, segir að sam­starfið muni stuðla að auknum vexti hins nýja tón­list­ar­hag­kerf­is. „Þar geta margar millj­ónir tón­list­ar­manna tengst áhan­gendum sínum með engum fyr­ir­vara og öfugt.“

Í samn­ingum Spotify við stóru útgáfu­fyr­ir­tækin er tón­list­ar­mönnum gert kleift að gefa út tón­list sína á vefnum til áskrif­enda hjá Spoti­fy. Þeir sem hlusta á Spotify án þess að greiða fyrir þjón­ust­una munu þurfa að bíða eftir nýj­ustu útgáf­unum áður en þær verða gerðar frjáls­ar.

Stefnt er að því að Spotify verði sett á hluta­bréfa­markað í vet­ur. Fyr­ir­tækið hefur sagst miða við lok árs 2017 eða byrjun árs 2018.