Rík­is­stjórn Ernu Sol­berg, for­sæt­is­ráð­herra Nor­egs, fékk 89 þing­menn kjörna í þing­kosn­ing­unum í Nor­egi en minni­hlut­inn 80 miðað stöð­una þegar 95 pró­sent atkvæða hvað verið tal­in, sam­kvæmt vef norska rík­is­út­varps­ins NRK. Mikil spenna var í aðdrag­anda kosn­inga enda sýndu kann­anir að mjótt var á mun­um.

Kjör­tíma­bilið í Nor­egi er fjögur ár og eru kosnir 169 full­trúar til að sitja á norska Stór­þing­in­u. 

Átta flokkar eiga full­trúa á frá­far­andi þingi. Minni­hluta­stjórn Hægri-­flokks­ins og Fram­fara­flokks­ins hefur setið í Nor­egi und­an­farin fjögur ár, með stuðn­ingi Kristi­lega þjóð­ar­flokks­ins og miðju­flokks­ins Ven­stre. 

Erna Sol­berg, leið­togi Hægri flokks­ins, hefur gegnt emb­ætti for­sæt­is­ráð­herra.

Nið­ur­staðan þykir mikið áfall fyrir Jonas Gahr Støre, for­mann Verka­manna­flokks­ins, og eru þegar farnar að heyr­ast raddir um að hans póli­tíski fer­ill sé á leið­ar­enda kom­inn, að því er fram kemur á vef NRK. 

Verka­manna­flokk­ur­inn fékk 27,4 pró­sent atkvæða, en það er lækkun um 3,4 pró­sentur frá síð­ustu kosn­ing­um. Sam­tals missir flokk­ur­inn sex þing­menn, frá síð­ustu kosn­ing­um. Þrátt fyrir að vera enn stærsti flokkur Nor­egs þá er útkoman áfall fyrir flokk­inn, og vinstri væng norskra stjórn­mála.