#kjaramál#verkalýðsfélög

VR vill að lægstu laun verði skattfrjáls

Stærsta stéttarfélag landsins vill að persónuafsláttur verði endurskoðaður til samræmis við launavísitölu frá árinu 1990 og að bundið verði í lög að hann fylgi launavísitölu.

Ragnar Þór Ingólfsson, formaður VR.
Ragnar Þór Ingólfsson, formaður VR.

Stjórn VR, stærsta stétt­ar­fé­lags lands­ins, segir að mark­mið félags­ins í kom­andi kjara­samn­ingum verði að lægstu laun verði skatt­frjáls. Það á að gera með þvi að hækka per­sónu­af­slátt sem muni í kjöl­farið auka kaup­mátt lægstu launa og milli­tekju­hópa umtals­vert. Þetta kemur fram í ályktun stjórnar VR sem sam­þykkt var á stjórn­ar­fundi stétt­ar­fé­lags­ins í gær.

Í álykt­un­inni er farið fram á að fjár­hæð per­sónu­af­sláttar muni fylgi launa­vísi­tölu og að það verði bundið í lög. „Stjórn VR beinir þeim til­mælum til stjórn­valda að end­ur­skoða fjár­hæð per­sónu­af­sláttar til sam­ræmis við launa­vísi­tölu frá árinu 1990 í fjár­laga­frum­varpi fyrir árið 2018. Í kom­andi kjara­samn­ingum er mik­il­vægt að horft sé til fram­tíðar og launa­fólki verði tryggður stöð­ug­leiki og raun­veru­leg kaup­mátt­ar­aukn­ing. Mik­il­vægur þáttur í því er að festa með lögum að per­sónu­af­sláttur fylgi launa­vísi­tölu.

Auglýsing

Mark­mið okkar er að lægstu laun verði skatt­frjáls með hækkun per­sónu­af­sláttar og sem mun auka kaup­mátt lægstu launa og milli­tekju­hópa umtals­vert. Hækkun per­sónu­af­sláttar verður ein af aðal­kröfum félags­ins fyrir kom­andi kjara­samn­inga.“

For­sæt­is­ráð­herra segir vinnu­mark­aðslíkanið ónýtt

Bjarni Bene­dikts­son for­sæt­is­ráð­herra fjall­aði um kom­andi kjara­við­ræður í stefnu­ræðu sinni í gær. Hann sagði að stærsta ein­staka efna­hags­­vanda­­málið á Íslandi væri það, að reynd væri vinn­u­­mark­aðslík­an­ið, sem unnið væri eft­ir, ónýtt. Nú væri mik­il­vægt að alir sem kæmu að kjara­við­ræð­um, tækju höndum saman um að horfa til þess hversu mikið svig­­rúmið til launa­hækk­­ana án þess að það bitn­aði á sam­keppn­is­hæfni þjóð­­ar­­bús­ins. „Framundan eru mik­il­vægir samn­ingar á vinn­u­­mark­aði. Allir aðilar verða að rísa undir þeirri ábyrgð sem á þeim hvílir með sama hætti. Aug­­ljóst er að ábyrgð fylgir því að semja, en rétt­­ur­inn til að semja ekki er einnig vand­­með­­far­inn. Þegar farið er út af spor­inu í kjara­við­ræðum á Íslandi með samn­ingum sem þykja ekki sam­ræm­­ast stöð­ug­­leika hefst sam­­kvæm­is­­leikur sem við gætum kall­að: Hver er söku­dólg­­ur­inn? 

En það er allt of mikil ein­­földun að skella skuld­inni á kröf­u­­gerð laun­þega, ein­staka atvinn­u­rek­end­­ur, eða eftir atvikum rík­­is­­stjórn eða sveit­­ar­­fé­lög sem látið hafa undan þrýst­ingi um samn­inga, þegar aðferða­­fræðin við að leiða fram nið­­ur­­stöðu er jafn gölluð og raun ber vitni.  Leitin að söku­dólgnum beinir sjónum frá aðal­­at­rið­inu. Vinn­u­­mark­aðslíkanið er í raun ónýtt. Þetta eru stór orð. En hver getur mót­­mælt þessu þegar hver höndin er uppi á móti ann­­arri, nær engin sam­vinna til staðar og skipu­lagið til­­vilj­ana­­kennt og breyt­i­­legt frá einum kjara­við­ræðum til þeirra næstu.  Þetta er stærsti ein­staki veik­­leiki íslenskra efna­hags­­mála um þessar mund­ir,“ sagði Bjarni. 

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Meira úr sama flokkiInnlent