#húsnæðismál

Herborg skoðar lánakjör banka og lífeyrissjóða

Björn Brynjúlfur Björnsson hefur tekið saman og birt yfirlit yfir lánakjör helstu lánastofnana á Íslandi á vefnum.

„Hæ, ég heiti Her­borg. Ég rýni í smáa letrið hjá bönkum og líf­eyr­is­sjóðum til að auð­velda þér að finna bestu kjörin næst þegar þú tekur lán.“

Þetta eru skila­boðin sem mæta gestum nýs vefs, her­borg.is, sem hag­fræð­ing­ur­inn Björn Brynj­úlfur Björns­son hefur sett í loft­ið. Á vefnum má sjá yfir­lit yfir lána­kjör helstu lána­stofn­ana sem lána fyrir hús­næð­is­kaupum á Íslandi.

Björn Brynj­úlfur skrifar á vef­inn að hann hafi velt fyrir sér hvers vegna það tæki svo ótrú­lega langan tíma að leita að láni þegar hann keypti sína fyrstu íbúð. „Eftir að hafa legið yfir heima­síðum banka og líf­eyr­is­sjóða (þeir eru 28 tals­ins!) í nokkra daga tókst mér loks­ins að útbúa almenni­legt yfir­lit yfir stöð­una.“

Auglýsing

Hann hafi í kjöl­farið kom­ist að því að fleiri ættu við þetta vanda­mál að stríða þegar þeir hugð­ust leita að láni. „Fæstir vissu af öllum sem bjóða upp á hús­næð­is­lán á Íslandi og höfðu bara tekið lán hjá ein­hverjum sem var áber­andi á þeim tíma,“ skrifar Björn Brynj­úlfur enn­frem­ur.

Sam­an­burður þeirra lána sem listuð eru á vefnum er hlut­laus og ætl­unin að hafa hags­muni lán­tak­ans að leið­ar­ljósi. Her­borg.is hefur engin tengsl við lán­veit­end­ur. Á vefnum má einnig finna svör við þeim spurn­ingum sem helst kvikna þegar fólk hygg­ist taka hús­næð­is­lán.

Meira úr sama flokkiInnlent