Ein­­stök­um leiðum stætó verður breytt um næstu ára­mót, þjón­ust­an verður auk­in á kvöld­in og næturakstri komið á um helg­­ar. Þetta kemur fram í frétta­til­kynn­ingu frá Strætó en til stendur að mikl­ar breyt­ing­ar verða hjá Strætó eftir ára­mót­in. 

Áætl­an­ir gera svo ráð fyr­ir því að leiðir 1, 2, 3, 5, 6 og 11 muni sinna næturakstri aðfara­nótt laug­­ar- og sunn­u­­dags. Stefnt er að því að þess­ar leiðir keyri frá mið­bæn­um á hverj­um klukku­­tíma til klukk­an 04.00-04.30.

Heiða Björg Hilm­is­dótt­ir, for­maður Strætó og vara­for­maður Sam­fylk­ing­ar­inn­ar, stað­festir þetta í stöðu­upp­færslu á Face­book. 

„Við erum á fullu í und­ir­bún­ingi og afar spennt, það er ekki bara næturakstur heldur akstur á kvöldin til kl 1. leið 6 fer á 10 mín­útna tíðni og stór­aukin þjón­ustua m.a í Kópa­vog, Mos­fellsbæ og Hafn­ar­firð­i,“ segir hún. 

 Einnig verður sér­­stök sum­­­ar­á­ætl­­un af­n­um­in.

Í frétta­til­kynn­ingu frá Strætó seg­ir að þjón­ust­u­­tími verður lengd­ur á leiðum 1, 2, 3, 4, 5, 6, 11, 12, 15, 18. Leið­irn­ar verða skipu­lagðar þannig að þær munu aka til 01.00 eða sem næst því.

Breyt­ing­ar verða á eft­ir­far­andi leið­um:

• Leið 6 verður stytt og tíðnin auk­in. Hún mun aka á 10 mín­útna fresti á anna­­tím­um og enda ferðir sín­ar í Eg­ils­höll. 
  
  
• Leið 7 kem­ur ný inn í leiða­kerfið og mun hún aka á milli Eg­ils­hall­ar og Helga­­fells­lands í Mos­­fells­bæ á 30 mín­útna fresti.
  
  
• Leið 2 verður lengd og  mun hún keyra áfram úr Ver­söl­um og enda í Mjódd, þar sem teng­ing við fleiri leiðir mynd­­ast. Leið 28 verður stytt á móti leng­ingu leiðar 2. 
  
  
• Leið 21 verður breytt og mun hún nú aka um Hafn­­ar­­fjörð, Smára­hvamms­­veg, fram­hjá Smára­lind og enda í Mjódd. Leiðin mun ganga leng­ur fram á kvöld og mun einnig aka á sunn­u­­dög­um, sem er mik­il bót fyr­ir Hafn­f­irð­inga og starfs­­fólk í Kaup­­túni.
  
  
• Leið 35 mun aka í báðar átt­ir frá Hamra­­borg og verður á 30 mín. fresti. Breyt­ing sem bæt­ir teng­ingu Kópa­vogs­­búa við aðrar leiðir í Hamra­­borg. 
  
  

Í ein­hverj­um til­­vik­um munu leið­irn­ar aka eft­ir sín­um hefð­bundnu leiðum en sum­­ar leiðir verða stytt­­ar. Leið­irn­ar munu ein­­göngu aka frá mið­bæn­um og út í hverf­in, en ekki til bak­a.  

Sum­­­arið 2018 verður eng­in sér­­­stök sum­­­ar­á­ætl­­un með minni þjón­­ustu inn­­­leidd eins og tíðkast hef­ur síð­ast­liðin ár hjá Strætó.