Fjár­­­mála­eft­ir­litið (FME) hef­ur hafið nán­­ari at­hug­un á mót­að­ila­á­hættu ís­­lenskra færslu­hirð­ing­­ar­­fyr­ir­tækja í kjöl­far þess að Korta­þjón­ust­an tap­aði öllu eig­in­fé sínu vegna greiðslu­­stöðv­un­ar flug­­­fé­lags­ins Mon­­arch.

Þetta kemur fram í Við­skipta­Mogg­anum í dag, og segir Jón Þór Sturlu­son, aðstoð­ar­for­stjóri FME, að Korta­þjón­ustan haldi nú lengur eftir fyr­ir­fram­greiðslum við­skipta­vina. en það gerði áður.

Eins og greint var frá í vik­unni, þá er Kvika nú orðin eig­andi að 40 pró­sent hluta­fjár í Korta­þjón­ust­unn­i. 

Kvika, ásamt hópi fjár­­­­­festa hef­ur keypt allt hluta­fé í Korta­­þjón­ust­unni hf. (Korta) og leitt hluta­fjár­­aukn­ingu í fé­lag­inu. Eign­­­ar­hluti Kviku verður rúm­­­lega 40% eft­ir við­­skipt­in en aðrir hlut­haf­ar munu eiga und­ir 10% hlut hver í Korta.

Í til­kynn­ingu vegna við­skipt­anna segir að Korta sjái um greiðslu­miðlun fyr­ir um 2.400 fyr­ir­tæki inn­­­an­lands og utan. Fé­lag­ið, sem stofnað var árið 2002, hef­ur vaxið hratt und­an­far­in ár og eru starfs­­­menn þess um 60 tals­ins. Korta fékk leyfi sem greiðslu­­­stofn­un frá Fjár­­­­­mála­eft­ir­lit­inu árið 2012 og varð í kjöl­farið full­­­gild­ur aðili að VISA Europe og MasterCard In­ternat­i­onal, seg­ir í til­­­kynn­ing­unni.